Adkryvajučy pasiadžeńnie Dziarždumy RF, Uładzimir Pucin zajaviŭ, što roznahałośsi ŭ parłamiencie zaŭsiody byli, ale adznačyŭ, što adkaznaść za los krainy važniejšy za lubyja ambicyi.
«My nikoli nie ŭkładvajem u paniaćcie «być mocnymi» niejkija vialikadziaržaŭnyja notki. Nikomu nikoli ničoha nie naviazvajem i naviazvać nie źbirajemsia, — skazaŭ Pucin. — Siła Rasii ŭ nas samich. Jana ŭnutry našaha naroda i ŭ našych ludziach, u našych tradycyjach, našaj kultury, našaj ekanomicy».
Rasijski prezident paprasiŭ deputataŭ zabiaśpiečyć finansavańnie pryjarytetnych prajektaŭ u ekanomicy i sacyjalnaj śfiery, a taksama paabiacaŭ, što buduć uniesienyja zakonaprajekty pa padtrymcy pradprymalnictva, u tym liku i zakonaprajekt pa abaronie biznesu ad niadobrasumlennych supracoŭnikaŭ pravaachoŭnych orhanaŭ.
«Treba źniać zakanadaŭčyja barjery na šlachu prytoku inviestycyj i ŭkaranieńnia sučasnych technałohij, zabiaśpiečyć raźvićcio rehijonaŭ», — skazaŭ Pucin.
Jak zajaviŭ Pucin padčas svajho vystupu, vybarčaja kampanija pa vybarach u Dziarždumu prajšła adkryta, a vyniki hałasavańnia adlustroŭvajuć volu rasijskaha hramadstva.
«Vybarčaja kampanija prajšła adkryta, u sumlennaj i kankurentnaj baraćbie, i vyniki zasnavanyja na voli i vybary rasijskaha hramadstva. U biezumoŭnaj lehitymnaści parłamienta — załoh siły i aŭtarytetu zakanadaŭčaj ułady», — skazaŭ Pucin.
Bolšaść u składzie Dziarždumy — 343 mandaty — maje «Adzinaja Rasija», 42 — u KPRF, 39 mandataŭ u ŁDPR i 23 deputaty vybranyja ad «Spraviadlivaj Rasii». Dva deputaty pradstaŭlajuć «Radzimu» i «Hramadzianskuju płatformu».
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy19
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary