Chołdynh «Amkador» padpisaŭ u Kitai try bujnyja kantrakty na ahulnuju sumu $400 młn, paviedamili ŭ pres-słužbie chołdynhu.
«Padpisanyja try bujnyja kantrakty na ahulnuju sumu $400 młn, — raspaviali ŭ pres-słužbie. — Heta kantrakt pa budaŭnictvie zavoda «Amkador-Maš» na sumu kala $230 młn i kantrakty pa madernizacyi dvuch zavodaŭ chołdynhu našaj kampanii-partniora «Salea» ŭ Kobrynie i Homieli na ahulnuju sumu $170 młn».
Akramia hetaha praviedzienyja pieramovy pa dziejnych miemarandumach, jakija byli padpisanyja z kitajskimi partniorami — najbujniejšymi dziaržaŭnymi karparacyjami CITIC Group i Sinomach. «U bližejšy čas na terytoryi Biełarusi moža być stvorana jašče niekalki sumiesnych vytvorčaściej z udziełam kitajskich inviestycyj», — adznačyli ŭ pres-słužbie.
U bližejšy čas płanujecca praviadzieńnie čarhovych pieramoŭ ab uzajemadziejańni z kitajskimi kampanijami ŭ śfiery pastavak i vytvorčaści kamplektujučych vyrabaŭ.
«U ciapierašni čas na ŭzroŭni rabočych hrup viadziecca padrychtoŭka pastavak biełaruskaj hidraŭliki na najbujniejšyja traktarny i kambajnavy zavody Kitaja, — dadali ŭ chołdynhu. — U našym dziełavym supracoŭnictvie z kitajskimi partniorami jość ruch nie tolki «adtul — siudy», ale i ŭ advarotny bok, što vielmi važna, kali mieć na ŭvazie zadaču naroščvańnia ekspartu pradukcyi pramysłovaści ź Biełarusi ŭ KNR».
Kamientary