Aleś Čajčyc: Mandaty Anisim i Kanapackaj — heta płacdarm
Apazycyja pavinna vykarystać jaho dla pieramienaŭ u Biełarusi.
Usich nas možna pavinšavać: pa vynikach vybaraŭ u Pałatu pradstaŭnikoŭ biełaruski parlamentaryzm padniaŭ svaju planku i pa svajoj jakaści, narešcie, nabliziŭsia da standartaŭ Venesueły, Iranu ci Azerbajdžanu. Upieršyniu za dvaccać hadoŭ u parlament byli abranyja (pryznačanyja) pradstaŭniki alternatyŭnych palityčnych siłaŭ, i ciapier, jak i ŭ Venesuele ci pucinskaj Rasiei, u Pałacie pradstaŭnikoŭ buduć zasiadać sapraŭdnyja apazycyjanery, chaj choć dva. Usio prosta jak u ludziej.
Dva čałavieki, Alena Anisim i Hanna Kanapackaja, buduć pradstaŭlać u Pałacie pradstaŭnikoŭ try miljony čałaviek apazycyjnaha i biełaruskamoŭnaha elektaratu.
Heta mizerna, ale pierad hetym nas z vami tam nie pradstaŭlaŭ nichto. Heta symbaličnaja i drobnaja, ale pieramoha apazycyi.
Pry hetym zrazumieła, što vybary nie byli demakratyčnymi i što
Pałata pradstaŭnikoŭ i nadalej nie źjaŭlajecca pradstaŭničym orhanam. Maštab parušeńniaŭ znoŭ byŭ całkam nieprymalnym.
Da raniejšych parušeńniaŭ napiaredadni dnia hałasavańnia dadalisia i prymušeńnie da daterminovaha hałasavańnia, i vidavočnaja falsyfikacyja pratakołaŭ, i inšyja zvykłyja rečy, jakija pieratvarajuć techničnuju i suchuju praceduru vybaraŭ deputataŭ parlamentu ŭ haniebny dzikunski bałahan, za jaki eŭrapiejskaj krainie ŭ 21. stahodździ musić być soramna.
Pryznačeńnie deputataŭ ad apazycyi — heta, biassprečna, krok nasustrač ad uładaŭ. Jak ja pisaŭ raniej, ułady nia zdoleli pajści na praviadzieńnie paŭnavartasnaj demakratyčnaj vybarčaj kampanii, ale jany chacia b uskočyli ŭ apošni vahon ciahnika, kab adznačycca pierad Zachadam choć jakim prahresam. Lod usio ž-taki kranuŭsia.
Ciapier sprava za apazycyjaj: hety advajavany placdarm nieabchodna napoŭnicu vykarystoŭvać dla prasoŭvańnia dalejšych pieramienaŭ u Biełarusi.
Apazycyja atrymała novyja ryčahi ŭpłyvu na sytuacyju ŭ krainie, a Alena Anisim i Hanna Kanapackaja zrabili vyrašalny praryŭ u svajoj palityčnaj karjery. Usio cikavaje tolki pačynajecca.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary