U apieratyŭna-dziažurnuju słužbu Kastryčnickaha RUUS stalicy źviarnułasia žančyna, jakaja žyvie ŭ domie pa vulicy Mahiloŭskaj. Jana raspaviała, što, pryjšoŭšy ŭ svaju kvateru, nidzie nie znajšła svajo dvuchmiesiačnaje ščania niamieckaj aŭčarki, a na padłozie ŭbačyła plamy kryvi, paviedamlaje pres-słužba viedamstva.
Na miesca zdareńnia nieadkładna vybyła śledča-apieratyŭnaja hrupa. U chodzie razboru vyjaŭlena, što ŭ kvatery pražyvaje 55-hadovy mužčyna, jaki złoŭžyvaje śpirtnymi napojami. Jon try razy znachodziŭsia ŭ lačebna-pracoŭnym prafiłaktoryi, raniej sudzimy za pahrozu zabojstvam. Znachodziačysia ŭ stanie ałkaholnaha apjanieńnia, u adsutnaść žonki, syna, niaviestki i małaletnich unukaŭ, jon sarvaŭ złość na žyviole. Nažom jon nanios niekalki udaraŭ ščaniaci, a zatym cieła vykinuŭ na leśvičnuju placoŭku.
«U ciapierašni čas vyśviatlajucca ŭsie abstaviny zdareńnia. Pryznačanyja niekalki ekśpiertyz i daśledavańniaŭ, nieabchodnych dla vyjaŭleńnia iściny. Minčuku moža pahražać kryminalnaja adkaznaść za žorstkaje abychodžańnie z žyviołaj. Artykuł 339-1 KK RB za žorstkaje abychodžańnie z žyviołaj, jakoje paciahnuła jaho hibiel abo kalectva, ździejśnienaje z chulihanskich mierkavańniaŭ, karyślivych ci inšych nizinnych padachvočvańniaŭ, praduhledžvaje štraf, papraŭčyja raboty albo aryšt na termin da adnaho hoda. Pa hetym fakcie pravodzicca pravierka. Dziejańniam mužčyny dajecca pravavaja acenka», — paviedamiŭ načalnik adździeła kryminalnaha vyšuku padpałkoŭnik milicyi Alaksandr Hildziuk.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ57
Kamientary