Štatnaja kolkaść u sistemie sudoŭ źmienicca z 1 vieraśnia ŭ Biełarusi. Heta praduhledžana ŭkazam ad 7 červienia 2016 hoda numar 195, paviedamili ŭ Nacyjanalnym centry pravavoj infarmacyi.
Zhodna z dakumientam u ekanamičnych sudach Homielskaj i Minskaj abłaściej stanie na dva sudździ bolš, u Minsku - na čatyry. U Mahiloŭskaj vobłaści budzie na adnaho sudździu mienš.
Źmianieńni zakranuli taksama rajonnyja sudy ŭsich abłaściej, za vyklučeńniem Bresckaj.
«Tak, na adnaho źmienšycca kolkaść sudździaŭ u rajonnych sudach Dokšyckaha, Sieńnienskaha, Kalinkavickaha, Chojnickaha, Iŭjeŭskaha, Kleckaha, Kaściukovickaha, Barysaŭskaha, Vilejskaha i Klimavickaha rajonaŭ, a taksama suda Leninskaha rajona Hrodna. Štat sudździaŭ sudoŭ Navabielickaha rajona Homiela i Kastryčnickaha rajona Hrodna papoŭnicca adnym sudździoj, a suda Minskaha rajona — dvuma», — dadali ŭ centry pravavoj infarmacyi.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary