Kiraŭnik Apple Cim Kuk u intervju indyjskamu telekanału NDTV zajaviŭ, što cana na ajfony za miežami ZŠA moža być zavyšanaj.
U adkaz na zaŭvahu žurnalista, što košt ajfona ŭ Indyi vysoki «navat u dalaravym vyražeńni», pry tym što za miežami ZŠA mohuć być dastupnyja nie ŭsie jaho funkcyi, Kuk zajaviŭ, što padatki i pošliny sapraŭdy robiać košt ajfona «vielmi vysokim».
«Naša rentabielnaść u Indyi adčuvalna nižejšaja, ale ja pryznaju, što košty vysokija. My chočam pryniać miery, kab ź ciaham času panizić ich, nakolki možam», — skazaŭ jon.
Kuk adznačyŭ, što Apple nie maje namieru źnižać płanku jakaści dziela prysutnaści ŭ bolš nizkich cenavych katehoryjach. «Čaho ja sapraŭdy chaču, tak heta kab karystalnik u Indyi moh kuplać pa canie, blizkaj da amierykanskaj, […] i moh karystacca ŭsimi servisami», — skazaŭ Kuk.
Pavodle dadzienych Deutsche Bank, jakija pryvodzić Business Insider, košt iPhone 6 u roznych krainach moža značna pieravyšać košt u ZŠA. Tak, u Brazilii ŭ 2016 hodzie ajfon kaštavaŭ na 56 pracentaŭ daražej, čym u Amierycy, u Indyi — na 31 pracent, u krainach Zachodniaj Jeŭropy — na 22 pracenty, u RF — na 16 pracentaŭ.
U krasaviku 2016 hoda stała viadoma, što prodažy ajfonaŭ ŭpieršyniu źnizilisia — u druhim finansavym kvartale hoda Apple pradaŭ na 16 pracentaŭ mienš ajfonaŭ, čym hodam raniej.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary