Jeŭrabačańnie-2016: Ukraina pieramahła, Aŭstralija — druhaja, Rasija — treciaja
Pieramožcaj Jeŭrabačańnia-2016 stała 32-hadovaja ŭkrainskaja śpiavačka Džamała. Jana vykonvała pieśniu «1944» pra trahičny los krymska-tatarskaha naroda i jaho departacyju ŭ 40-yja hady.
Jana ŭ vyniku nabrała 534 bały.
Na druhoje miesca Džamału pastavili jak žury krain Jeŭropy, hetak i hledačy. Adnak hetaha chapiła, kab u vyniku zaniać pieršaje miesca.
Žury hałasavała za Demi Im, hledačy — za Siarhieja Łazarava.
Vykanańnie Džamałaj pieśni ŭ finale
A heta ŭžo paśla pieramohi
Druhoje miesca ŭ śpiavački z Aŭstralii karejskaha pachodžańnia Demi Im ź pieśniaj «Sound of Silence» («Huk cišyni»). U jaje 511 bałaŭ.
Treciaje ŭziaŭ vykanaŭca z Rasii Siarhiej Łazaraŭ z kampazicyjaj «You Are the Only One» («Ty — adzinaja»). Mienavita Łazarava doŭhi čas ličyli favarytam konkursu. U pradstaŭnika Rasii 491 punkt.
Cikava, što telehledačy nadzvyčaj vysoka acanili polskaha vykanaŭca Michała Špaka, jaki byŭ tolki 25-y ŭ hałasavańni žury, a svaimi sms-kami i zvankami jaho padniali až na treciaje miesca. U vyniku Špak zaniaŭ vysokaje vośmaje miesca.
Biełaruskaje žury 12 bałaŭ addała Rasii, 10 – Litvie, 8 – Šviecyi, 7 – Ukrainie.
Ukraina ŭ druhi raz pieramahaje na «Jeŭrabačańni». Pieršaj pieramožcaj u 2004 hodzie była Rusłana.
* * *
Čytajcie taksama:
Ukraina pieramahła dziakujučy źmienie sistemy hałasavańnia — cikavyja padliki
Ivan staŭ 29-m z 42 udzielnikaŭ, jaho padtrymali ŭkraincy i palaki
Stała viadoma, jak na «Jeŭrabačańni» hałasavali biełaruskija telehledačy
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary