U Iraku pry napadzie bajevikoŭ ekstremisckaj hrupoŭki «Isłamskaja dziaržava» na zapoŭnienaje ludźmi kafe zahinuli 16 čałaviek, jašče 30 paranienyja.
Incydent adbyŭsia ŭ horadzie Baład, raźmieščanym na poŭnač ad Bahdada. Pa śviedčańniach vidavočcaŭ, napadnikaŭ było piaciora ci šaściora. Jany adkryli ahoń pa naviedvalnikach. Taksama napadniki vykarystoŭvali hranaty.
Jak paviedamlajecca, kafe było papularnaje ŭ zaŭziataraŭ ispanskaha futbolnaha kłuba «Reał Madryd».
Jak raspavioŭ namieśnik hubiernatara pravincyi Amar al-Bałdaui, napadniki byli apranutyja ŭ formu, jakaja nahadvała formu miascovych siłavikoŭ. Paśla napadu jany ŭciakli.
Palicyjanty pačali pieraśled i amal dahnali čaćviarych ź ich, ale jany pryviali ŭ dziejańnie «pajasy śmiarotnikaŭ». Jak skazaŭ čynoŭnik, pošuk astatnich bajevikoŭ praciahvajecca.
Siarod zabitych jość palicejskija i členy miascovaha šyickaha apałčeńnia. Bajaviki ID užo aficyjna ŭziali na siabie adkaznaść za napad.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar2
Kamientary