U Kurapatach pastavili raźblony kryž u pamiać Vacłava Łastoŭskaha FOTA
Aficyjnaje adkryćcio memaryjału 29 krasavika, pra heta paviedamlaje partał «Histaryčnaja praŭda».
Sioleta ŭ lutym padčas tradycyjnaj akcyi ŭšanavańnia pamiaci achviaraŭ stalinskich represij skulptar Aleś Cyrkunoŭ paviedamiŭ, što nieŭzabavie ŭ Kurapatach paŭstanie kryž u pamiać viadomaha hramadzkaha i palityčnaha dziejača Vacłava Łastoŭskaha.
Inicyjatary ŭstalavańnia kryža — siabry Tavarystva amataraŭ historyi imia Vacłava Łastoŭskaha. Prajekt stvaryŭ mastak Aleś Cyrkunoŭ, a sam kryž vyrabiŭ raźbiar Juraś Kamandzirčyk. Kryž — dubovy, z raźblonymi vyjavami Vacłava Łastoŭskaha, Pahoni, Chrysta dy inšymi.
Staršynia kamitetu pa stvareńni hramadzkaj arhanizacyi «Tavarystva amataraŭ historyi imia Vacłava Łastoŭskaha» Viktar Jaŭmienienka raniej raspavioŭ Svabodzie, što ideja pastavić kryž užo daŭniaja:
«Takaja dumka była ŭžo daŭno, i voś Aleś Cyrkunoŭ raspracavaŭ prajekt i prapanavaŭ jaho. My ź siabrami našaha tavarystva heta padtrymali, sabrali hrošy, kab nabyć usie materyjały, kab zapłacić majstru».
Srodki na kryž u asnoŭnym achviaravali siabry tavarystva.
Jaŭmienienka ličyć Vacłava Łastoŭskaha adnym z ajcoŭ-zasnavalnikaŭ biełaruskaj nacyi:
«Heta čałaviek, jaki nia tolki staić kala vytokaŭ našaj dziaržaŭnaści (a ja liču, što biełaruskaja dziaržaŭnaść adličvajecca ad BNR), ale čałaviek, jaki šmat zrabiŭ dla biełaruskaj kultury i ŭ pieršuju čarhu dla biełaruskaj historyi. Jon varty taho, kab jaho prapahandavali, kab jaho šyroka viedali i šanavali», — upeŭnieny jon.
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary