Stary most zatapiła z-za praryvu vodapravoda ŭ paniadziełak, 11 krasavika.
Vielizarnaja łužyna ŭtvaryłasia nasuprać «Pryjorbanka». Z-za płyni vady na moście sabraŭsia korak. Na miesca avaryi vyjechali śpiecyjalisty «Hrodnavodakanał». Jany apieratyŭna vyjavili ŭčastak, dzie adbyŭsia praryŭ, i pierakryli jaho. Jak vyśvietliłasia, padtapleńnie adbyłosia z-za paškodžańnia vodapravoda dyjamietram 200 mm, jaki sychodzić u bok Padolnaj vulicy. U čym pryčyna avaryi, skazać ciažka, kaža dyrektar HUKVP «Hrodnavodakanał» Ihar Juźviak. Truby ŭ hetym rajonie mianiali na novyja razam z rekanstrukcyjaj Staroha mosta. Tady pravodzilisia hidraŭličnyja vyprabavańni. Z tych časoŭ prajšło nie bolš za 10 hadoŭ, čamu nie vytrymaŭ vodapravod, termin prydatnaści jakoha da 30 hadoŭ, budzie vyśviatlacca.
Pakolki vodazabieśpiačeńnie ŭ rajonie paryvu truby nie parušana, terminy jaho likvidacyi mohuć raściahnucca. Zaraz śpiecyjalisty vodakanała prapracoŭvajuć varyjanty, jak adnavić paškodžany ŭčastak, nie parušajučy dobraŭparadkavańnia.
Kamientary