Advakat ukrainskaj lotčycy Nadziei Saŭčanka Mikałaj Połazaŭ sustreŭsia sa svajoj padabaronnaj i paviedamiŭ, što jana praciahvaje haładoŭku i stan jaje zdaroŭja paharšajecca.
«Sustreŭsia z Nadziejaj Saŭčanka ŭ SIZA. Chudaja, z čornymi kruhami pad vačyma. Vaha krychu mienš za 60 kh», — napisaŭ Połazaŭ u svaim fejsbuku.
Pavodle jaho słoŭ, supracoŭniki FSVP prapanujuć Saŭčanka špitalizacyju, ad jakoj jana admaŭlajecca, praciahvajučy haładać.
Jana hatovaja prajści abśledavańnie niezaležnaj hrupaj lekaraŭ z Ukrainy ci Hiermanii, adnak, pa słovach Połazava, «pakul nijakaj pazityŭnaj infarmacyi ab ich dopusku na siońniašni dzień nie majecca».
Abarona Saŭčanka pačała vieści havorku ab jaje abmienie na rasijskich źniavolenych na Ukrainie jašče da vyniasieńnia prysudu.
U kancy sakavika kiraŭnik administracyi rasijskaha prezidenta Siarhiej Ivanoŭ nie vyklučyŭ mahčymaść abmienu Saŭčanka na dvuch rasiejcaŭ, jakich sudziać va Ukrainie pa abvinavačvańni ŭ teraryźmie.
«Prezidentu Parašenku Nadzieja prapanavała dziejničać bolš rašuča ŭ pieramovach ab jaje vyzvaleńni», — napisaŭ Połazaŭ.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary