Padazravany ŭ arhanizacyi teraktaŭ u Paryžy i Brusieli Muchamied Abryni pryznaŭsia, što čałaviek, na videazapisu ŭ kampanii dvaich śmiarotnikaŭ u aeraporcie Brusela niezadoŭha da vybuchaŭ — heta jon.
Fota padazravanych z aeraporta «Zavientem» było adnym ź niamnohich dokazaŭ, jakija zastalisia paśla vybuchu. Abryni pryznaŭsia, što mienavita jon byŭ čałaviekam u śvietłaj kurtcy i kapielušy, jaki išoŭ pobač z dvuma śmiarotnikami, jakija ažyćciavili vybuchi.
U piatnicu ŭ chodzie rejdaŭ u Brusieli palicyja zatrymała adrazu niekalkich padazravanych u datyčnaści da teraktaŭ, siarod jakich byŭ i Abryni. U subotu prakuratura Bielhii pradjaviła jamu abvinavačvańni ŭ datyčnaści da teraktaŭ u aeraporcie i mietro Brusiela.
Razam z Abryni abvinavačvańni ŭ teraryźmie byli pradjaŭlenyja trom jaho mierkavanym saŭdzielnikam, čyje poŭnyja imiony nie nazyvajucca. Mužčyna, viadomy jak «Asama K.», pa infarmacyi ŭ miascovych ŚMI, prysutničaŭ na bruselskaj stancyi mietro «Malbiek» niezadoŭha da taho, jak tam adbyŭsia vybuch.
Miarkujecca, što 31-hadovy Abryni, bielhijec marakanskaha pachodžańnia, taksama byŭ źniaty na kamiery vonkavaha videanazirańnia na adnoj ź bienzazapravak razam z Sałacham Abdesłamam, inšym padazravanym u sieryi napadaŭ u Paryžy. Jany byli źniatyja za dva dni da teraktu ŭ Paryžy. Abdesłam byŭ zatrymany ŭ Bruseli ŭ sakaviku hetaha hoda.
Vybuchi ŭ Bruseli adbylisia 22 sakavika. Pieršyja dva vybuchovyja prystasavańni spracavali ŭ aeraporcie «Zavientem», a treciaje — na stancyi mietro «Malbiek». Jašče adna bomba ŭ aeraporcie nie ŭzarvałasia, jaje abiasškodzili sapiory. U vyniku vybuchaŭ zahinuli bolš za 30 čałaviek, kala 250 atrymali ranieńni.
Čytajcie taksama:
Nazvany imiony vykanaŭcaŭ teraktu ŭ aeraporcie Brusela
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary