Jak žartavaŭ Bajnet: 17 «navinaŭ» na 1 krasavika
Pieršakrasavickimi žartami paciešyli nia tolki medyi, ale i niekatoryja kamercyjnyja kampanii. A ŭ niekatorych navinach ciažka zrazumieć, ci heta nia žart.
Na 1 krasavika, u mižnarodny Dzień durnia, žartavali chiba nie na kožnym kantynencie. Tak,BBC «adkryŭ» kramu svaich videa na kasetach, a Google dadaŭ u pošcie opcyju «skončyć razmovu, kinuŭšy mikrafon» (na apošniuju skardzilisia — daviałosia adklučyć). Žart pra siabie ŭ roli trenera futbolnaha klubu «Arsenał» acaniŭ brytanski premjer Toni Błer. Žartavali i biełarusy.
Naviny.by zrabili cełuju padborku «navinaŭ» na 1 krasavika — pra biaspłatnaje taksi, žyroŭki za pobyt u miescach pazbaŭleńnia voli, pensii darmajedam z kišeni aliharchaŭ, źmienu formy Nacyjanalnaj biblijateki z ałmazu na sudzinu i sietku kramaŭ-kanfiskataŭ majomaści apazycyjaneraŭ.
Biełaruskaje adździaleńnie «alternatyŭnaha taksi» Uber paviedamiła pra zapusk vodnaha taksi ŭ Miensku.
Viadoŭca dziaržaŭnaha telekanału ANT začytaŭ naviny sportu repam.
Sajt Ryma-katalickaha kaściołu ŭ Biełarusi raspavioŭ pra prybyćcio ŭ mienskuju parafiju pareštak sabaki śviatoha Rocha.
Biełaruskaja asacyjacyja žurnalistaŭ paviedamiła ab karykatury Charlie Hebdo pra Biełaruś.
«Kamsamolskaja praŭda» pačała šukać pamočnika ambasadara Biełarusi ŭ Manaka.
Kyky.org «znajšoŭ» piarścionak Vitaŭta za 400 tysiač dalaraŭ.
Kraj.by «stvaryŭ» Maładečanskuju vobłaść.
«Rehijanalnaja hazeta» «zabaraniła» razmaŭlać na luboj movie akramia biełaruskaj na niekatorych vulicach Maładečna.
Sapraŭdnaść tvitera nibyta Alaksandra Łukašenki vyrašyŭ pravieryć kisialoŭski «Sputnik».
«Presboł» «pryznačyŭ» słavutaha narveskaha bijatlanista Ole-Ejnara Bjorndalena treneram Darji Domračavaj.
IT-partał dev.by paviedamiŭ pra investycyi z boku bujnoha mižnarodnaha biznesoŭca Majkła Arynhtana, a Probusiness.bypachvaliŭsia tym, što nibyta kupiŭ bujny rasiejski partał vc.ru.
Da pieršakrasavickich žartaŭ dałučyłasia i Radyjo «Svaboda» — raspaviali pra nibyta «madernizavanyja» biełaruskija rubli z «vybitnymi dziejačami Biełarusi». Na hrošach kiraŭnikoŭ savieckaj Biełarusi, kaniešnie, pakul nie malujuć, ale vulicy i płoščy ŭ ich honar jość u roznych haradach krainy. Zdajecca, niekatoryja čytačy navat nie adrazu zdahadalisia, što heta žart.
Byli i naviny, u jakich nasamreč ciažka zrazumieć, ci žartujuć ich aŭtary.
Tak, Onliner.by sabraŭ servisy biełaruskich mabilnych aperataraŭ vielmi sumnieŭnaj karysnaści, a Tut.by u vielmi surjoznym videa raspavioŭ pra novyja zdolnaści biełaruskich bajcoŭ paśla traŭmaŭ hałavy.
Nu a NN.BY? «Naša Niva» paviedamiła pra asablivyja źnižki dla biełarusaŭ u polskim Padlaššy. Darečy, hety artykuł staŭ samym čytanym na sajcie za dzień ))).
Jaki z žartaŭ z rozyhryšaŭ najbolš udały? Pišycie ŭ kamientach!
Kamientary