Maroz, śnieh i paryvisty viecier čakajucca ŭ Biełarusi na vychodnych

Fota Siarhieja Zinina

Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.

«Sakavik — pierachodny miesiac ad zimy da viasny. I jamu ŭłaścivyja jak pa-viasnovamu ciopłaje nadvorje, tak i viartańnie chaładoŭ. U hetyja vychodnyja da nas znoŭ vierniecca zimovy charaktar nadvorja. Užo ŭ bližejšyja sutki terytoryja Biełarusi apyniecca pad upłyvam aktyŭnaha atmaśfiernaha frontu, za jakim budzie pastupać chałodnaje pavietra paŭnočnych šyrot», — padkreśliła hałoŭny sinoptyk.

U piatnicu čakajecca niaŭstojlivaje vietranaje nadvorje. Nočču miescami, a dniom na bolšaj častcy terytoryi krainy projduć apadki ŭ vyhladzie daždžu, jaki budzie pierachodzić u mokry śnieh. Na asobnych učastkach daroh utvorycca hałalodzica. Dniom u mnohich rajonach uzmocnicca viecier paryvami da 15—18 m/s. Tempieratura pavietra na praciahu sutak składzie ad minus 2 da plus 4, dniom pa poŭdni krainy jašče budzie da 7 hradusaŭ ciapła.

U vychodnyja dni terytoryja Biełarusi budzie znachodzicca pad upłyvam atmaśfiernych frantoŭ i chałodnych pavietranych mas, jakija pieramiaščajucca sa Skandynaŭskaha paŭvostrava. Apadki buduć vypadać u vyhladzie śniehu, tak što ŭstalujecca nievialikaje śniežnaje pokryva.

U subotu, 19 sakavika, na bolšaj častcy terytoryi krainy projdzie karotkačasovy śnieh. Na darohach budzie ślizka.

Tempieratura pavietra ŭnačy składzie 2-9 hradusaŭ marozu, pry prajaśnieńniach pavietra astudzicca da minus 10 — minus 12 hradusaŭ,

dniom budzie ad 5 hradusaŭ nižej za nul pa paŭnočnym uschodzie da 2 hradusaŭ ciapła pa paŭdniovym zachadzie krainy.

U niadzielu, 20 sakavika, na bolšaj častcy terytoryi prahnazujecca śnieh, mokry śnieh.

Najbolš niekamfortnyja ŭmovy čakajucca nočču i ranicaj — u asobnych rajonach budzie iści mocny śnieh, zavirucha, mahčyma ŭzmacnieńnie vietru paryvami da 15—20 m/s, pa paŭdniovym zachadzie krainy — nalipańnie mokraha śniehu.

Na darohach miescami zachavajecca hałalodzica. Tempieratura pavietra ŭnačy składzie ad minus 1 - da minus 8, pa paŭnočnym uschodzie słupki termomietraŭ apuściacca da 11 hradusaŭ marozu, dniom budzie ad 5 hradusaŭ nižej za nul pa paŭnočnym uschodzie da 3 hradusaŭ vyšej za nul pa paŭdniovym zachadzie krainy.

U pačatku nastupnaha tydnia zachavajecca niaŭstojlivaje z panižanym tempieraturnym režymam nadvorje.

U paniadziełak, 21 sakavika, časam čakajecca śnieh, mokry śnieh. Na asobnych učastkach daroh zachavajecca hałalodzica. Tempieratura pavietra ŭnačy składzie 1—8 hradusaŭ marozu, pry prajaśnieńniach — da 9-11 hradusaŭ nižej za nul, dniom budzie ad minus 4 da plus 3, pa paŭdniovym zachadzie prahnazujecca 4-6 hradusaŭ ciapła.

U aŭtorak-sieradu, 22-23 sakavika, z rostam atmaśfiernaha cisku nadvorje pačnie palapšacca, ale pa načach budzie jašče marozna. Miescami projdzie karotkačasovy śnieh, mokry śnieh. Na asobnych učastkach daroh — hałalodzica.

Tempieratura pavietra ŭnačy składzie 1—8 hradusaŭ marozu, pry prajaśnieńniach pavietra astudzicca da minus 9 — minus 15, dniom čakajecca ad minus 4 da plus 3, pa paŭdniovym zachadzie da 6 hradusaŭ ciapła.

• 0
• 0
• 0
• 0
• 0
• 0
• 0
• 0