Śledčy kamitet choča kupić pryładu dla «ŭzłomu» smartfonaŭ
Na sajcie dziaržzakupak źjaviłasia infarmacyja pra tendar, abvieščany Śledčym kamitetam. Hetaje viedamstva choča nabyć «pieranosny aparatna-prahramny kompleks dla kapijavańnia (zdymańnia) i adnaŭleńnia schavanaj i vydalenaj infarmacyi z mabilnych pryładaŭ suviazi, partatyŭnych navihacyjnych pryład, źniešnich nazapašvalnikaŭ infarmacyi i smart-kartak».
Prystasavańnie pavinna ŭmieć źniać infarmacyju nie mienš jak z 17 135 madelaŭ telefonaŭ, navihataraŭ i smart-kartak, jakija pracujuć pad Apple iOS, Android, Bada, BlackBerry, Brew, Java, PalmOS, Symbian, WindowsMobile, WindowsPhone i inšymi apieracyjnymi sistemami.
Śledčy kamitet płanuje atrymlivać aŭtanomny dostup da kantaktaŭ, SMS i MMS, žurnała zvankoŭ, fota, videa-i aŭdyjozapisaŭ, hałasavych natatak i źviestak z SIM-kartak telefonaŭ. Akramia taho pryłada pavinna vyznačać kody dostupu i błakavańnia, zdabyvać hieadadzienyja z GPS-pryład, kłanavać identyfikacyjnuju infarmacyju i z dapamohaj admysłovaj videakamiery fiksavać fota- i videamalunki, a taksama skrynšoty ekrana niepasredna dy vyznačać razbłakoŭki mabilnych pryładaŭ.
Akramia taho, kompleks pavinien umieć atrymać, rasšyfravać i dekadavać strukturu fajłavych sistem mabilnych pryładaŭ vytvorčaści kampanij Apple i Blackberry, a taksama pryładaŭ na bazie apieracyjnaj sistemy Android.
Jak adznačaje kyky.org, nad padobnaj zadačaj, sutyknuŭšysia z supracivam Apple, ciapier pracuje FBR, i jaho pośpiechi pakul nievialikija. Ekśpiert u pytańniach infarmacyjnaj biaśpieki u kamientary biełaruskamu ŚMI zajaviŭ, što zrabić pryładu, jakuju abaznačyŭ Śledčy kamitet, niemahčyma. Chacia niedarahija aparaty možna budzie «ŭzłamać».
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary