Novikaŭ — Šunieviču ŭ žyvym efiry: «Nadhlad milicyi ŭ Breście? Hańba!»
Telekamientatar Siarhiej Novikaŭ źviarnuŭsia ŭ žyvym efiry na kanale «Biełaruś 5» da ministra ŭnutranych spraŭ Ihara Šunieviča.
U pierapynku matču Lihi čempijonaŭ BHK—«Skjern» šmatlikija zaŭziatary źviarnulisia da telekamientatara hulni na kanale «Biełaruś 5», žurnalista «Presboła» Siarhieja Novikava sa skarhaj na milicejski nadhlad.
Pa słovach ludziej, ich dahladali na ŭvachodzie ŭ brescki spartyŭny kompleks «Viktoryja» kala 50 chvilin, u vyniku prykładna treciaja častka hledačoŭ spaźniłasia na pačatak hulni.
Siarhiej Novikaŭ, u svaju čarhu, raspavioŭ u efiry pra svoj vypadak, kali jaho na słužbovym uvachodzie areny, niahledziačy na akredytacyju i słužbovaje paśviedčańnie, dahladali, nibyta nośbita realnaj pahrozy — až da futarała dla akularaŭ i rasčoski ŭ kišeni.
Telekamientatar źviarnuŭsia ŭ pramym efiry da ministra ŭnutranych spraŭ Respubliki Biełaruś Ihara Šunieviča z zaklikam razabracca ŭ tym, što zdaryłasia i vypracavać sumiesna z arhanizatarami matčaŭ u Breście ŭzajemaprymalnaje rašeńnie.
«Inakš, jak hańbaj, toje, što zdaryłasia nazvać nielha», — reziumavaŭ Siarhiej Novikaŭ.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary