Kultura čyścini vakoł śmiećcievych bakaŭ u dvarach adroźnivaje Biełaruś ad pieradavych krain Jeŭropy. I biez štrafaŭ tut nie abyścisia
Piša Mikoła Buhaj.
Kali havorać, što biełaruskija harady — čystyja, ja adrazu ŭspaminaju śmietnicy. Nie, nie urny na praśpiektach, a kantejniery sa śmiećciem u dvarach. Vakoł ich u kožnym druhim vypadku valajecca śmiećcie.
Na maju dumku, horad nie moža pretendavać na zvańnie horada vysokaj kultury, pakul u im niama kultury zboru śmiećcia.
Jakija pryčyny takoha stanu?
Pa-pieršaje, heta niedaskanałaść technałohii zboru śmiećcia i sastarełaść śmiećciazbornych mašyn. Bolšaść śmiećcievych bakaŭ pakamiečanyja, staryja. Kali mašyna takija padymaje, častka śmiećcia rassypajecca. Jak tolki dvornik niazdolny adrazu padmieści, viecier raznosić śmiećcie pa dvary.
Pa-druhoje, nizkaja kultura ludziej. Pakažycie mnie bak z nadpisam «Dla papiery», dzie b nie lažali butelki PET, i naadvarot.
Pa-treciaje, adsutnaść u ludziej zvyčki ci abaviazku vynosić śmiećcie ŭ zaviazanych pakietach. Ludzi sypluć adkidy ŭ baki, jany tam śmiardziać na soncy ŭletku i prymiarzajuć uzimku.
Kab vypravić pieršaje, treba inviestycyi. Jany mohuć pryjści ad kampanij, zacikaŭlenych u pierapracoŭcy adkidaŭ.
Kab vypravić druhoje, patrebnyja jakasnyja, čystyja, dobra abaznačanyja śmiećcievyja baki i kampanii sacyjalnaj rekłamy.
Kab vypravić treciaje, badaj, nie abyścisia biez štrafaŭ i kantrolu. Choć mała chto ich lubić, ale słavutaja «niamieckaja akuratnaść» imi była vychavanaja.
U kožnym razie, prablema sapraŭdy isnuje. Kab u tym pierakanacca, dosyć padyści da śmiećcievaha baka ŭ vašym dvary.
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni8
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary