Kiroŭca zapisaŭ na videa kanflikt z daišnikam. Bresckaja milicyja: Vyraz «idzi na ch*j» nie źniavaha
Brescki kiroŭca napisaŭ zajavu, u jakoj prasiŭ ab pryciahnieńni da adkaznaści inśpiektara DPS: toj… pasłaŭ kiroŭcu «na ch…j», što trapiła na zapis videarehistrara. A jašče źviartaŭsia «małyš» i «Andruša».
Adkaz pryjšoŭ za podpisam namieśnika načalnika abłasnoj milicyi Viačasłava Maksimuka. Maksimuk śćviardžaje, što była praviedzienaja linhvistyčnaja ekśpiertyza.
Pavodle jaje, słovy «małyš» i «Andruša» nie źjaŭlajucca naŭmysnym prynižeńniem honaru i hodnaści asoby. Abrazaj nie źjaŭlajecca i vyraz «idzi na ch…j», choć nienazvany ekśpiert i pryznaje, što heta «nieprystojnaja forma vyrazu».
Kiroŭca byŭ spynieny dla pravierki i pa prośbie inśpiektara Piatručyka staŭ pakazvać jamu pa čarzie patrebnyja dakumienty. Inśpiektar ža patrabavaŭ usie adrazu, a paśla vyrašyŭ skłaści pratakoł.
Adnak kiroŭca pajšoŭ u kontry, ciahnuŭ ź pieradačaj paśviedčańnia kiroŭcy i prajści ŭ aŭtamabil DAI admoviŭsia. Jurysty tłumačać, što takoje patrabavańnie rabotnikaŭ DAI niezakonnaje, adnak siłaviki traktujuć zakon pa-svojmu. U vyniku kiroŭcu ŭ kajdankach zavieźli ŭ RUUS, a paśla aštrafavali na 1,8 miljona rubloŭ.
* * *
Poŭny tekst adkazu namieśnika načalnika bresckaj milicyi pra vyraz «idzi na ch*j»
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary