Daśledčyki vyśvietlili, što dźvie nočy praciahłaha snu, charakternyja dla vychodnych, źnižajuć ryzyku raźvićcia dyjabietu druhoha typu, źviazanuju ź niedasypam u pracoŭnyja dni.
Dla daśledavańnia byli adabranyja 19 zdarovych maładych ludziej, pieradaje «Hazieta.ru». U pieršym vypadku im było dazvolena pravodzić u łožku vosiem z pałovaj hadzin na praciahu čatyroch načej. U druhim vypadku tyja ž dobraachvotniki byli pazbaŭlenyja doŭhaha snu: im dazvalałasia spać tolki čatyry z pałovaj hadziny na praciahu čatyroch načej zapar. Paśla im było dazvolena nahnać upuščanaje i na praciahu dvuch načej spać prykładna pa dziesiać hadzin. Zatym daśledniki vyznačali adčuvalnaść paddoślednych da insulinu (adzin z pakazčykaŭ ryzyki raźvićcia dyjabietu).
Paśla čatyroch načej niedastatkovaha snu ryzyka raźvićcia dyjabietu ŭ paddoślednych pavialičyłasia na 16%. Adnak paśla dvuch načej praciahłaha snu adčuvalnaść da insulinu i ryzyka raźvićcia dyjabietu viartalisia da značeńniaŭ, adpaviednym sutkam z narmalnym uzroŭniem snu. Aŭtary daśledavańnia zapeŭnivajuć: heta značyć, što doŭhi son pa vychadnych karysny dla zdaroŭja i źnižaje ryzyku raźvićcia dyjabietu druhoha typu.
Charakterna, što niadaŭna było apublikavanaje daśledavańnie, jakoje śviedčyć ab niebiaśpiecy doŭhaha snu na vychadnych. Na dumku navukoŭcaŭ z ZŠA, takaja zvyčka toić u siabie pavialičanuju ryzyku raźvićcia dyjabietu, atłuścieńnia i chvarob serca i sasudaŭ. Jakim z navukoŭcaŭ vieryć, a jakim nie — vyrašać vam.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary