U kitajskaj pravincyi Chenań pasiarod paloŭ la nievialikaj vioski pabudujuć hihanckuju pazałočanuju statuju pieršaha staršyni KNR Mao Czeduna.
Vyšynia statui — 36,6 mietra, jaje budaŭnictva kaštuje kala 3 miljonaŭ juaniaŭ (460 tysiač dalaraŭ). Statuju, pa śćviardžeńniach žycharoŭ vioski, uzvodziać na hrošy miascovych pradprymalnikaŭ.
Fotazdymki hetaha manumientalnaha budaŭnictva šyroka razyšlisia ŭ internecie ŭ Kitai, i miascovyja miedyja pryvodziać padborki mierkavańniaŭ: niekatoryja karystalniki pakazvajuć na fizijanamičnaje niepadabienstva statui da tvaru Mao, a inšyja zaŭvažajuć, što hrošy vyrašyli vydatkavać na ŭźviadzieńnie statui, a nie na niejkija praktyčnyja patreby, pieradaje Radyjo Svaboda.
U 1960-ch hadach ad hoładu, jaki staŭ vynikam palityki «Vialikaha skačka», što pravodziłasia Mao Czedunam, u pravincyi Chenań pamierli miljony ludziej.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary