Indyvidualnyja pradprymalniki Biełarusi masava niasuć zajavy ŭ administracyi handlovych centraŭ i rynkaŭ ab prypynieńni dziejnaści albo zusim ab spynieńni adnosin. Pra heta paviedamlaje RHA «Pierśpiektyva», spasyłajučysia na infarmacyju, jakaja pastupaje da ich.
Jość taksama źviestki ab tym, što administracyja staličnaha HC «Ždanovičy» źbiraje padobnyja zajavy i pieradaje ich u Centralny rajvykankam Minska, na terytoryi jakoha raźmieščany handlovy centr.
Jak paviedamlałasia raniej, 14 śniežnia na forumie pradprymalnikaŭ u Minsku mnohija IP zajavili ab namiery vymušana prypynić svaju pracu z 1 studzienia 2016 hoda ŭ suviazi z abjektyŭnaj niemahčymaściu vykanańnia patrabavańniaŭ ukaza prezidenta № 222 i techničnaha rehłamientu.
Zhodna z ukazam № 222 ab rehulavańni pradprymalnickaj dziejnaści z 1 studzienia 2016 hoda IP pavinny buduć realizoŭvać pradukcyju lehprama, uviezienuju z krain Mytnaha sajuza, tolki z supravadžalnymi dakumientami. Adnak rasijskija pastaŭščyki, u jakich biełaruskija IP u asnoŭnym zakuplajuć tavar, u bolšaści vypadkaŭ admaŭlajucca vydavać dakumienty, jakija paćviardžajuć pachodžańnie pradukcyi, albo vydajuć fiktyŭnyja daviedki. Heta stanovicca padstavaj dla štrafaŭ i kanfiskacyi majomaści ŭ biełaruskich IP. Ich nieadnarazovyja prośby da ŭładaŭ admianić ukaz № 222 tak i nie byli pačutyja.
Udzielniki forumu pradprymalnikaŭ pryniali antykryzisny płan pa vyrašeńni prablem małoha biznesu. Jany, u pryvatnaści, prapanujuć stvaryć pry Administracyi prezidenta pracoŭnuju hrupu ź liku IP, zaniatych u roźničnym handli, dla vypracoŭki aptymalnaha rašeńnia pa ŭrehulavańni dziejnaści pradprymalnikaŭ z ulikam stvoranaj uładami situacyi.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary