Biełarus, jaki pryjechaŭ u Litvu na rovary, chavaŭ pad adzieńniem 200 pačkaŭ kantrabandnych cyharet.
Słužba achovy dziaržmiažy Litvy paviedamlaje, što 3 śniežnia ź Biełarusi na Ejšyšski KPP pryjechaŭ 40-hadovy viełasipiedyst. U hetaha hramadzianina Biełarusi jość vid na žycharstva ŭ Litvie.
Mužčyna dekłaravaŭ, što nie viazie ničoha zabaronienaha. Dakumienty ŭ mužčyny byli ŭ paradku, adnak jon vyklikaŭ u pamiežnikaŭ padazreńni.
Jon pierasoŭvaŭsia niejak niazhrabna. Pamiežniki dastavili jaho ŭ pamiaškańnie i pravieryli.
Vyśvietliłasia, što ŭ jaho na hrudziach, na žyvacie i na nahach byli zamacavany cyharety, ich maskiravała vierchniaja vopratka. Usiaho na im akazałasia 200 pačkaŭ cyharet NZ Gold Superslims.
Za administracyjnaje pravaparušeńnie biełarusu pahražaje štraf u pamiery 1448—2896 jeŭra.
Paśla dopytu biełarusa adpuścili. Cyharety ŭ jaho kanfiskavali.
Kamientary