Va Ukrainie siońnia, 28 listapada, adznačajuć Dzień pamiaci achviaraŭ haładamoraŭ, jaki nakiravany na ŭšanavańnie pamiaci paciarpiełych ad Haładamoru 1932—1933 hadoŭ, a taksama haładamoraŭ 1921—1922 i 1946—1947 hadoŭ.
Dzień pamiaci achviaraŭ haładamoraŭ adznačajuć va Ukrainie štohod u čaćviortuju subotu listapada. U 2015 hodzie hety dzień vypadaje na 28-je.
U Kijevie siońnia projduć žałobnyja mierapryjemstvy na terytoryi Nacyjanalnaha muzieja «Miemaryjał pamiaci achviar Haładamoru».
Zhodna z ukazam prezidenta, 28 listapada na terytoryi Ukrainy budzie pryspuščany dziaržaŭny ściah i abmiežavana praviadzieńnie mierapryjemstvaŭ zabaŭlalnaha charaktaru, a ŭ 16:00 (17:00 pa Minsku) budzie abvieščana ahulnanacyjanalnaja chvilina maŭčańnia.
Akramia taho, u 16:00 (17:00 pa Minsku) ukraincaŭ prosiać zapalić śviečki pamiaci ŭ kožnym domie i va ŭsich orhanach dziaržaŭnaj ułady.
Instytut demahrafii i sacyjalnych daśledavańniaŭ imia Ptuchi NAN Ukrainy, jaki pravodziŭ daśledavańni sumiesna z amierykanskimi navukoŭcami, nazvaŭ kolkaść achviaraŭ Haładamoru 30-ch hadoŭ. Na ich dumku, z 1932 pa 1934 achviarami hoładu va Ukrainie stali 3,9 młn ukraincaŭ, što składaje 13% ad ahulnaj kolkaści nasielnictva na toj momant. Daśledniki nastojvajuć, što mienavita hetaja ličba źjaŭlajecca navukova abhruntavanaj i pryznanaj mižnarodnaj navukovaj supolnaściu.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary