Arłoŭ: Spadziajusia, uładam chopić rozumu nie varahavać z Aleksijevič
Piśmieńnik Uładzimier Arłoŭ pieraličyŭ pryčyny nervovaha staŭleńnia Alaksandra Łukašenki da Śviatłany Aleksijevič: «Ja liču, što takaja nervovaja reakcyja ŭładaŭ na atrymańnie Śviatłanaj Aleksijevič Nobeleŭskaj premii vyklikana niekalkimi čyńnikami.
Pa-pieršaje, nasupierak nieadnarazovym zajavam Alaksandra Łukašenki pra toje, što našyja piśmieńniki ničoha nia vartyja — maŭlaŭ, druhuju «Vajnu i mir» nie napisali — vyśviatlajecca, što biełaruskija litaratary mohuć dasiahnuć vielmi vysokaha ŭzroŭniu.
Pa-druhoje, Śviatłana Aleksijevič naležyć nie da Sajuzu piśmieńnikaŭ Biełarusi, jakim kiruje hienerał Čarhiniec, a da niezaležnaha Sajuzu biełaruskich piśmieńnikaŭ — arhanizacyi, jakaja ličycca ŭładami vyrazna apazycyjnaj.
Pa-treciaje, Śviatłana Aleksijevič nikoli nie chavała svaich demakratyčnych pohladaŭ. Zrazumieła, što Nobeleŭskaja premija nijakim čynam na jaje pierakanańni nie paŭpłyvała, jana havoryć pra toje, što nie prymaje ciapierašniuju sytuacyju ŭ Biełarusi».
Uładzimier Arłoŭ vykazaŭ spadzieŭ, što va ŭładaŭ chopić rozumu nie rabić varožyja kroki ŭ bok piśmieńnicy Aleksijevič.
«Naadvarot — ciapier momant, kali dziaržaŭnyja vydaviectvy pavinny azadačycca drukam jaje tvoraŭ, čaho nie było ŭžo apošnija čverć stahodździa. Abaviazkova pavinny być vydadzienyja pierakłady jaje tvoraŭ na biełaruskuju movu — tym bolš, što na ich jość vialiki popyt. Ja taksama spadziajusia, što nia budzie admienienaje rašeńnie pra viartańnie tvoraŭ Śviatłany Aleksijevič u školnuju prahramu. Ułady pavinny zrazumieć, što pośpiech Śviatłany — ahulnanacyjanalny, što premija atrymanaja nia tolki joj, ale i ŭsioj našaj krainaj, što biełaruski Nobel pavyšaje aŭtarytet usioj Biełarusi. Pakul ža svaimi zajavami prezydent demanstruje nierazumieńnie takich elementarnych rečaŭ».
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik6
Kamientary