Udzielniki pasiadžeńnia Savieta kiraŭnikoŭ dziaržaŭ SND u Kazachstanie damovilisia ab mahčymaści farmiravańnia sumiesnych sił pa abaronie miežaŭ krain-udzielnic Sadružnaści ŭ vypadku ŭźniknieńnia kryzisnaj situacyi.
U pieramovach na kurorcie Burabaj ŭ 250 kiłamietrach ad Astany ŭdzielničajuć prezidenty Azierbajdžana, Armienii, Biełarusi, Kazachstana, Kirhizii, Rasii, Tadžykistana i Uźbiekistana.
Małdaviju na samicie pradstaŭlaje namieśnik ministra zamiežnych spraŭ, Turkmieniju - vice-premjer, Ukrainu - časovy pavierany ŭ spravach Ukrainy ŭ Kazachstanie.
Adnoj z hałoŭnych tem samitu stała situacyja ŭ Afhanistanie, jakuju prezident Rasii Uładzimir Pucin nazvaŭ blizkaj da krytyčnaj.
«Terarysty roznych maściej nabirajuć usio bolš ŭpłyvu i nie chavajuć płanaŭ dalejšaj ekspansii. Adna ź ich metaŭ — prarvacca ŭ Centralnaazijacki rehijon. Nam važna być hatovymi ŭzhodniena reahavać na taki scenar», — zajaviŭ jon na pasiadžeńni Savieta.
Pa słovach Pucina, hetamu budzie sadziejničać i novaja prahrama supracoŭnictva va ŭmacavańni pahraničnaj biaśpieki na 2016-2020 hady. «Jana praduhledžvaje mahčymaść farmiravańnia hrupoŭki pahraničnych i inšych viedamstvaŭ krain Sadružnaści dla ŭrehulavańnia kryzisnych situacyj na miažy», - skazaŭ rasijski lider.
Lidary krain SND padpisali ŭsiaho 16 dakumientaŭ, uklučajučy zajavu ab baraćbie ź mižnarodnym teraryzmam i kancepcyju vajennaha supracoŭnictva da 2020 hoda.
Samit adznačyŭsia dypłamatyčnym skandałam: napiaredadni Nursułtan Nazarbajeŭ na sumiesnym bryfinhu z Uładzimiram Pucinym vykazaŭ zakłapočanaść u suviazi ź situacyjaj na turkmiena-afhanskaj miažy.
U Ašchabadzie słovy Nazarbajeva vyklikali rezkuju reakcyju. Prysutnyja na samicie turkmienskija dypłamaty zajavili pratest, u jakim havorycca, što vykazvańni kazachskaj boku ab stanoviščy na turkmienskaj miažy nie adpaviadajuć rečaisnaści.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary