Žychary Turkmienistana ciapier mohuć abmieńvać nie bolš za $8 tysiač u hod

Pavodle rašeńnia Centrabanka Turkmienistana kožny žychar krainy moža nabyć u bankach i abmieńnikach nie bolš za $ 8000 u hod.
Hetyja abmiežavańni byli ŭviedzienyja na fonie raspaŭsiudžvańnia čutak ab źnižeńni uradam kursu turkmienskaha manata da dalara ZŠA i čerhaŭ z hetaj pryčyny kala abmieńnikaŭ.
Abmien manataŭ na dalary robicca pa pradjaŭleńni pašparta, dadzienyja jakoha ŭnosiacca ŭ adziny rejestr. Kožny kasir, pry praviadzieńni valutnaj apieracyi, moža vyśvietlić ci niama ŭ klijenta pieravyšeńnia limitu ŭ $8000.
Kamiersanty i bahaciei, jakija žadajuć nabyć bolšuju kolkaść valuty, šukajuć tych, u kaho niama nieabchodnaści abo mahčymaści nabyvać dalary. Za nievialiki hanarar jany zhadžajucca adstajać čarhu i abmianiać hrošy, vykarystoŭvajučy svoj ułasny pašpart.
Kamientary