Prezident Ukrainy Piatro Parašenka zaklikaŭ «usie narody volnaha śvietu» razam vystupić suprać «rasijskaha ahresara». Jon zajaviŭ pra heta ŭ pramovie ŭ Kijevie z nahody 70-hodździa zakančeńnia Druhoj suśvietnaj vajny.
«Rasijskaja Fiederacyja, cynična rastaptaŭšy mižnarodnaje prava, anieksavaŭšy Krym i raspalvajučy ŭzbrojeny kanflikt u Danbasie, siońnia znoŭ razburaje sistemu jeŭrapiejskaj i suśvietnaj biaśpieki», — zajaviŭ Parašenka.
«Siońnia, adznačajučy 70-ju hadavinu zakančeńnia Druhoj suśvietnaj vajny i daninu pamiaci dziasiatkaŭ miljonaŭ zahinułych, my źviartajemsia da ŭsich narodaŭ volnaha śvietu z zaklikam adzinym frontam rašuča vystupić suprać rasijskaha ahresara, jaki pačaŭ nieabvieščanuju hibrydnuju vajnu suprać suvierennaj Ukrainy».
Ukrainski prezident adznačyŭ, što padtrymka Ukrainy pieravažnaj bolšaściu suśvietnych i jeŭrapiejskich lidaraŭ, dapamoha, jakuju Ukraina pastajanna adčuvaje ŭ hetyja nialohkija časy, śviedčać, što mižnarodnaja supolnaść uśviedamlaje bieśpierśpiektyŭnaść palityki «supakajeńnia ahresara»
«Demakratyčny śviet pavinien prykłaści maksimum namahańniaŭ dla adnaŭleńnia razburanaj sistemy mižnarodnaha paradku i viartańnia davieru da mižnarodnaha prava», — padkreśliŭ jon.
«Kryvavyja ŭroki Druhoj suśvietnaj vajny nie pavinny być marnymi. Spynić ahresara možna tolki abjadnanymi namahańniami, jak heta było 70 hadoŭ tamu», — ličyć Parašenka.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary