Saakašvili choča zrabić svajoj namieśnicaj rasijskuju apazicyjanierku Hajdar
Staršynia Adeskaj abłasnoj dziaržaŭnaj administracyi Michaił Saakašvili prosić prezidenta Ukrainy Piatra Parašenku dać hramadziancy Rasii Maryi Hajdar ŭkrainskaje hramadzianstva dla pryznačeńnia jaje na pasadu svajho namieśnika.
Pra heta jon skazaŭ na sustrečy z pradstaŭnikami jeŭrapiejskaj biźnies asacyjacyi.
«My prosim prezidenta dać joj ukrainskaje hramadzianstva», — skazaŭ jon.
Pavodle jaho słoŭ, Hajdar vielmi viadomy rasijski palityčny lidar, a ŭ jaho kamandzie budzie zajmacca sacyjalnaj śfieraj.
Saakašvili taksama maje namier skaracić aparat administracyi ŭ dva razy. «My budziem skaračać štat. Aparat skaračajem udvaja: z 800 da 400 čałaviek», — skazaŭ jon.
Maryja Hajdar źjaŭlajecca dačkoj rasijskaha palityka i refarmatara Jahora Hajdara. Sama jana taksama zajmałasia palitykaj i była ŭ apazicyi ŭ Rasii. U 2009-2011 hadach Hajdar była namieśnikam staršyni ŭrada Kiraŭskaj vobłaści RF pa pytańniach achovy zdaroŭja i sacyjalnaha raźvićcia. U apošni čas pracavała jašče i žurnalistkaj radyjo «Echo Moskvy».
Maryja Hajdar taksama źjaŭlajecca praŭnučkaj aŭtara viadomaj dziciačaj knihi «Cimur i jaho kamanda» Arkadzia Hajdara.
Kamientary