U Homielskim haradskim adździele Śledčaha kamiteta rasśledujecca šmatepizodnaja kryminalnaja sprava ab machlarstvie ŭ dačynieńni da Basałyki Andreja Alaksandraviča, 1993 hoda naradžeńnia, jaki šlacham padmanu zavałodaŭ hrašovymi srodkami hramadzian na ahulnuju sumu nie mienš jak 36 000 dalaraŭ ZŠA, paviedamlaje pres-słužba Śledčaha kamiteta.
Padčas papiaredniaha rasśledavańnia vyjaŭlena, što ŭ 2014 hodzie abvinavačany na padstavie vyhadnaha nabyćcia aŭtamabilaŭ u Rasijskaj Fiederacyi ŭ pieryjad devalvacyi, nie majučy namieru vykanać uziatyja na siabie abaviazacielstvy, braŭ hrošy ŭ znajomych, jakija pražyvajuć u Homieli i Minsku. Taksama ŭstanoŭleny fakt zavałodańnia abvinavačanym pad roznymi padstavami hrašyma byłoj sužycielki z h. Minska ŭ sumie 4400 dalaraŭ ZŠA.
Atrymanyja niezakonnym šlacham hrošy niepracujučy hamialčuk vydatkoŭvaŭ na asabistyja patreby, u tym liku ŭ ihralnych i zabaŭlalnych ustanovach.
Na dadzieny momant pa kryminalnaj spravie, uzbudžanaj pa č.3 art.209 (machlarstva, ździejśnienaje ŭ bujnym pamiery) Kryminalnaha kodeksa Respubliki Biełaruś, paciarpiełymi pryznanyja 9 čałaviek. U pravaachoŭnyja orhany praciahvajuć pastupać zajavy ad hramadzian u dačynieńni da abvinavačanaha.
Śledstva źviartajecca da hramadzian, jakija paciarpieli ad supraćpraŭnych dziejańniaŭ abvinavačanaha, z rekamiendacyjaj nieadkładna źviarnucca ŭ druhoje śledčaje adździaleńnie Homielskaha haradskoha adździeła Śledčaha kamiteta (h. Homiel, vuł.Kirava, d.122) pa telefonie 60-74-25 abo ŭ bližejšaje adździaleńnie milicyi.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary