Na troch staličnych placoŭkach 17—19 lipienia projdzie pieršy fiestyval avijacyjnaha sportu «70 hadoŭ mirnaha nieba», paviedamiŭ 14 lipienia na pres-kanfierencyi ŭ Minsku staršynia Biełaruskaj fiederacyi avijacyjnaha sportu Alaksandr Center.
Ciaham troch fiestyvalnych dzion projduć Mižnarodny kubak pa pavietrapłavalnym sporcie, viertalotnyja honki, avijašou, masavy parašutny desant, dziciačy dzień i mnohaje inšaje.
Pavodle słoŭ Centera, čakajecca, što ŭ mierapryjemstvie voźmuć udzieł 70 pavietranych šaroŭ z roznych krain śvietu, jakija buduć uźniatyja ŭ pavietra adnačasova. Taksama arhanizatary płanujuć ustanavić rekord pa kolkaści aerastataŭ, jakija adnačasova pralaciać nad horadam. Usiaho płanujecca ŭdzieł prykładna 200 spartsmienaŭ z vaśmi krain.
Uračystaje adkryćcio fiestyvalu adbudziecca apoŭdni 18 lipienia na aeradromie «Baravaja», adnak viečaram 17 lipienia minčanie zmohuć nazirać u niebie pieršy spartyŭny palot pavietranych šaroŭ nad terytoryjaj aeraporta Minsk-1, jakaja budzie adkrytaja dla hledačoŭ. Šary ŭźnimucca ŭ pavietra jašče try razy — u subotu i niadzielu ranicaj. A 18 lipienia viečaram paśla zachodu sonca ŭ niebie nad stełaj «Minsk — horad-hieroj» adbudziecca načnoje śviačeńnie pavietranych šaroŭ.
Taksama ŭ subotniaj prahramie — pakazalnyja skački parašutystaŭ: z 500-mietrovym ściaham Biełarusi, kupalnaja parašutnaja akrabatyka, a taksama ź miežava małoj vyšyni. Samalot JAK-52 pakaža fihury vyšejšaha piłatažu.
U dzień adkryćcia fiestyvalu hałoŭnaj spabornaj padziejaj buduć viertalotnyja honki, u jakich voźmuć udzieł prykładna 30 čempijonaŭ Jeŭropy i śvietu ŭ składzie 16 najmacniejšych ekipažaŭ ź Biełarusi, Rasii i Ukrainy. Sačyć za bitvami budzie mižnarodnaja sudziejskaja kamanda. Supierfinał viertalotnych honak projdzie ŭ niadzielu 19 lipienia.
Hienieralny sakratar Biełaruskaj fiederacyi avijacyjnaha sportu, spartsmien-parašutyst, čempijon śvietu Anton Bystroŭ paviedamiŭ, što zaraz nacyjanalnaja zbornaja rychtujecca da surjoznych spabornictvaŭ — Suśvietnych avijacyjnych hulniaŭ, jakija projduć u śniežni 2015 hoda ŭ Dubai (AAE), i hety fiestyval — apošni etap padrychtoŭki da ich.
Fiestyval pryśviečany 70-hodździu Pieramohi ŭ Vialikaj Ajčynnaj vajnie. Jaho arhanizatarami vystupajuć HA «Biełaruskaja fiederacyja avijacyjnaha sportu» i kampanija «Aeratur-Bałuns». Hienieralny partnior — hrupa kampanij «A-100».
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču26
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5050
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz50
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary