Pasiedžańnie pa dadzienaj spravie adbyłasia ŭ kancy minułaha tydnia. Ułady admovilisia dać štatnaha pracaŭnika, jaki moh by sačyć za pamiaškańniem i pravodzić ekskursii.
Haradzienskija ŭłady nie vielmi aktyŭna padtrymali inicyjatyvu. Jany navat admovilisia dać štatnaha pracaŭnika, jaki moh by sačyć za pamiaškańniem i pravodzić ekskursii.
Što dalej čakaje muzej? Kamentuje zahadčyk muzeja Mikałaj Mielnikaŭ: «My nie atrymali pakul kankretny adkaz, ale ŭłady nam nie admovili kančatkova. Skazali, što im patrebny čas, kab vyznačycca nakont pamiaškańnia. Nam patrebna takoje pamiaškańnie, kab nie płacić arendnuju płatu. Jany prapanujuć škołu. Ale chto pojdzie tudy? Tamu mahčyma daduć pamiaškańnie jakoha‑niebudź technikumu. Budziem čakać».
Nahadajem, što muzej Vasila Bykava ŭ Horadni adčynili ŭ svaim ofisie siabry HA «Veteranaŭ vajny, pracy i ŭzbrojenych sił» jašče ŭ 2003 hodzie, adrazu ž paśla śmierci piśmieńnika. Pry im dziejničaje i biblijateka. Miesca katastrafična nie chapaje. Zaraz u muzei źmiaščajucca tolki dakumenty, fota, listy, niekalki rečaŭ Vasila Ŭładzimiraviča, uspaminy jaho siabroŭ. Žonka piśmieńnika, Iryna Michajłaŭna, zhodnaja addać jaho asabistyja rečy i navat meblu — było b kudy pastavić. Prablema pamiaškańnia nie adzinaja dla muzeja. Tut niama navat naležnych stendaŭ, kamputara, systemy achovy, abstalavańnia, kab pasłuchać zapisy z hołasam samoha Bykava.
Kamientary