Pošta Google dazvoliła admianiać adsyłku listoŭ
Słova — vierabiej! Na test takoj funkcyi syšło 6 hod.
Ad 23 červienia karystalniki Gmail mohuć praz peŭny adrezak času pa adsyłcy skasavać list, raspaviadaje The Next Web.
Na samoj spravie, adasłanyja listy nie źniščajucca — prosta adsyłka adkładajecca na peŭny čas pa naciskańni knopki «Adasłać».
Karystalniki Gmail (ale pakul nie Inbox, novaha paštovaha servisu Google) mohuć abirać čas, za jaki list možna «viarnuć». Maksimalny čas — 30 siekund. Funkcyja budzie karysnaja tym, chto zaŭvažaje apiski i pamyłki, kali ŭžo adasłaŭ list, a taksama tym, chto vyrašyŭ pryznacca ŭ kachańni praz elektronnuju poštu.
Funkcyja admieny adsyłki listoŭ była dastupnaja siarod ekśpierymientalnych funkcyj (raździeł «Labs» u naładach) z sakavika 2009 hoda. Ciapier funkcyja pryličanaja da aficyjnych mahčymaściej Gmail i moža być uklučanaja ŭ asnoŭnym raździele naładaŭ.
Nie zabyvajcie: «U vas mahli skraści parol ad pošty», — kažuć jany i kraduć parol
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary