Biełaruś zaniała 4-je miesca ŭ «antyrejtynhu» ekanamičnaha rostu
U hetym hodzie nam pradkazvajuć padzieńnie VUP na 3,5%, u nastupnym — na 1%.
Business Insider nazvaŭ dziasiatku ekanomik śvietu, što demanstrujuć najpavolniejšy rost. Pieršyja try miescy ŭ im zaniali Ukrajina, Vieniesueła i Livija, za imi — Biełaruś.
U 2015 hodzie, paviedamlaje vydańnie sa spasyłkaj na Suśvietny bank i Knihu faktaŭ CRU, u Biełarusi prahnazujecca źnižeńnie vałavaha ŭnutranaha praduktu na 3,5%, u 2016-m — na 1% i tolki ŭ 2017-m nas čakaje rost VUP na 1%. Za pieryjad 2014-17 hh. VUP źmienšycca prykładna na 0,5%.
«Biełaruskaja ekanomika ciesna intehravanaja z rasijskaj — kali rasijskaja ekanomika paciarpieła ad kryzisu 2014 hoda, toje ž adbyłosia ź Biełaruśsiu, — piša vydańnie. — Varta zaŭvažyć, što Biełaruś nibyta choča palepšyć adnosiny ź Jeŭropaj, nie advaročvajučysia ad Rasii».
Z takoj acenkaj pryčyn słabych vynikaŭ ekanamičnaha raźvićcia moža pahadzicca Minekanomiki: asnoŭnaj pryčynaj padzieńnia VUP ministerstva ličyć paharšeńnie źniešnieekanamičnaha stanovišča. Ale, jak śćviardžaje ministerstva, u krainie zabiaśpiečana makraekanamičnaja stabilizacyja, nazirajecca palapšeńnie zbałansavanaj ekanomiki.
U lidara «antyrejtynhu», Ukrainy, VUP u 2014-m praz bajavyja dziejańni na ŭschodzie i aneksiju Kryma upaŭ na 6,8%. U hetym hodzie prahnazujecca jašče bolšaje padzieńnie — na 7,5%. Ale ŭžo ŭ nastupnym, 2016 hodzie prahnazujecca post VUP na 2%, praz hod — na 3%. Za 2014-17 hh. VUP upadzie na 2,45%.
Śledam za Biełaruśsiu ŭ «antyrejtynhu» idzie vielmi zaležnaja ad turyzmu astraŭnaja kraina Sent-Lusija (+0,15% VUP za 2014-17 hh.). Druhaja piaciorka antyrejtynhu — Rasija (+0,26%), Sierbija (+0,29%), Brazilija (+0,47%), Charvatyja (+0,7%) i Jemien (+0,9%).
Čytajcie taksama: Biełaruś nie ŭvajšła ŭ sotniu miralubivych krain
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA7
Kamientary