U Minsku ŭ krasaviku samaja vysokaja siaredniamiesiačnaja zarabotnaja płata była ŭ arhanizacyjach, źviazanych z vyličalnaj technikaj (Br24 młn 873 tys. 048) i finansavaj dziejnaściu (Br14 młn 465 tys. 237). Pra heta paviedamili ŭ hałoŭnym statystyčnym upraŭleńni Minska.
U krasaviku biahučaha hoda ŭ pramysłovaści siaredniaja zarabotnaja płata skłała Br7534,7 tys., u budaŭnictvie — Br9446,3 tys., u śfiery transpartu i ŭ suviazi - Br9300,3 tys., u sielskaj haspadarcy, palaŭnictvie i lasnoj haspadarcy — 6704 tys. Zarabotnaja płata rabotnikaŭ u śfiery adukacyi ŭ krasaviku skłałasia ŭ pamiery Br5892,2 tys. (u tym liku nastaŭnikaŭ - Br6322,7 tys., prafiesarska-vykładčyckaha składu - Br8347,8 tys.). Siaredniaja zarpłata rabotnikaŭ achovy zdaroŭja i pradastaŭleńnia sacyjalnych pasłuh skłała Br6762,5 tys. (siaredniaja zarabotnaja płata ŭračoŭ — Br9435,2 tys., siaredniaha miedycynskaha piersanału — Br6600,5 tys.).
U studzieni-krasaviku biahučaha hoda naminalnaja naličanaja siaredniamiesiačnaja zarabotnaja płata rabotnikaŭ Minska skłała Br8652,4 tys., u tym liku ŭ krasaviku — Br8793,1 tys., i źmienšyłasia ŭ paraŭnańni z sakavikom 2015 hoda na 1,6 pracenta, abo na Br140,2 tys.
Realnaja zarabotnaja płata (zarabotnaja płata, raźličanaja z ulikam rostu spažyvieckich cen na tavary i pasłuhi) u studzieni-krasaviku ŭ paraŭnańni z anałahičnym pieryjadam 2014 hoda źmienšyłasia na 1%, u krasaviku 2015 hoda ŭ paraŭnańni z krasavikom 2014-ha — na 1,4%.
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai22
Kamientary