Na paradzie ŭ Maskvie pa pravuju ruku ad Pucina siadzieŭ Si Czińpin, prysutničaŭ taksama Nazarbajeŭ
U Maskvie 9 maja ŭ dzień 70-hodździa Pieramohi prajšoŭ parad na Krasnaj płoščy.
«Hitleraŭskaja avantura stała žachlivym urokam dla ŭsioj suśvietnaj supolnaści. Tady, u 30-ja hady minułaha stahodździa aśviečanaja Jeŭropa nie adrazu ŭbačyła śmiarotnuju pahrozu ŭ ideałohii nacyzmu. I ciapier, praz 70 hadoŭ, historyja znoŭ prymušaje nas zadumacca i ŭzmacnić pilnaść. My nie pavinny zabyvać, što idei rasavaj pieravahi i vyklučnaści pryviali da samaj krovapralitnaj vajny», — skazaŭ prezident Rasii Uładzimir Pucin u svaim zvarocie.
«Adnak u apošnija dziesiacihodździ ŭsio čaściej stali ihnaravacca bazavyja pryncypy mižnarodnaha supracoŭnictva. Tyja pryncypy, jakija byli vypakutavanyja čałaviectvam paśla hłabalnych vyprabavańniaŭ vajny», — dadaŭ jon.
Pucin ŭpieršyniu abviaściŭ chvilinu maŭčańnia na paradzie Pieramohi na Krasnaj płoščy. Štohod z 1965 hoda chvilina maŭčańnia abviaščałasia pa ŭsioj krainie 9 maja ŭ 19.00 pa maskoŭskim časie.
Na paradzie prysutničali prezident Respubliki Kazachstan Nursułtan Nazarbajeŭ i staršynia Kitajskaj Narodnaj Respubliki Si Czińpin (treci źleva).
Pobač ź Dźmitryjem Miadźviedzievym siadzieŭ prezident Kirhizskaj Respubliki Ałmaźbiek Atambajeŭ (druhi źleva).
U paradzie brali ŭdzieł i biełaruskija vajskoŭcy.
Kamientary