Kiensinhtonski pałac nazvaŭ imia novanarodžanaj pryncesy kiembrydžskaj. Dačka Kiejt Midłtan i prynca Uiljama atrymała patrojnaje imia Šarłota Lizavieta Dyjana, paviedamlaje Agence France-Presse.
Jašče zadoŭha da naradžeńnia pryncesy bukmiekiery prymali staŭki na jaje imia. Imia Šarłota razhladałasia ŭ jakaści adnaho z favarytaŭ. Imia Lizavieta pryncesa atrymała ŭ honar prababuli, Dyjana — u honar babuli, maci prynca Uiljama. Imia dla dački Kiejt i Uiljam prydumali raniej, adnak hramadskaść daviedałasia pra jaho tolki paśla taho, jak jano było abvieščana Lizaviecie II.
Raniej stała viadoma, što ŭ Vialikabrytanii adčakanienyja 10 tysiač załatych i srebnych maniet u honar novanarodžanaj pryncesy. Dyzajn maniet užo ŭchvaliła karaleva Lizavieta II i ministr finansaŭ.
Dziaŭčynka naradziłasia ŭ siamji hiercaha i hiercahini Kiembrydžskich ranicaj 2 maja. Jana budzie nasić tytuł pryncesy kiembrydžskaj i zojmie čaćviortaje miesca ŭ čarzie na brytanski tron paśla dzieda, baćki i brata.
Apošnija dni ŭsia ŭvaha Vialikabrytanii addavałasia novanarodžanaj pryncesie. Kiejt Midłtan uraziła brytancaŭ i ŭvieś śviet, źjaviŭšysia na publicy ź dziciem na rukach praź niekalki hadzin paśla rodaŭ. Vyhladała pry hetym maładaja mama aślaplalna. Žančyny dzivilisia, jak joj heta ŭdałosia, a skieptyki śćviardžali, što Kiejt na samaj spravie naradziła za niekalki dzion da abviaščeńnia ab naradžeńni dački.
U honar naradžeńnia dziaŭčynki znakamityja łondanskija słavutaści — Taŭerski most, Trafalharskaja płošča i koła ahladu London Eye — uviečary ŭ subotu byli padśviečanyja ružovymi ahniami.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary