34 (23). Leanid Malcaŭ
Staršynia pamiežnaha kamiteta.
Tyja, chto viedaje Malcava asabista, nie adhukajucca pra jaho kiepskim słovam. «Heta śpiecyjalist, a nie ahitprapaviec», — pisaŭ u «NN» były supracoŭnik Administracyi prezidenta Uładzimir Iskryk. «Adzinym pieradavym aficeram biełaruskaha vojska» nazyvaŭ Malcava hienierał Valeryj Frałoŭ (užo niabožčyk).
U Malcava ŭžo toj uzrost, kali treba rychtavacca da piensii. Ale niečakana vyzvaliłasia pasada kiraŭnika Pamiežnaha kamiteta, kali ź joj nie spraviŭsia małady Alaksandr Boječka. Malcavu daručyli navieści paradak u hetym viedamstvie.
Adnojčy Łukašenka publična zhańbiŭ Malcava, kali abvinavaciŭ jaho ŭ pjanstvie padčas vystupu ŭ Mieduniviersitecie ŭ 1996.
Chacia jość mierkavańnie, što kiraŭnik dziaržavy pierastrachavaŭsia, kab Malcaŭ nie padtrymaŭ prychilnikaŭ demakratyi. Paśla hetaha była adstaŭka, a jašče paźniej — viartańnie. Malcaŭ prajšoŭ amal praz usie klučavyja siłavyja pasady ŭ krainy. Niepraciahły čas jon navat uznačalvaŭ KDB.
A jašče Malcaŭ — kavaler adrazu čatyroch biełaruskich ordenaŭ, bolš niama ni ŭ koha.
Cytata
«Vy sami bačycie, što my vymušanyja ŭmacoŭvać miažu z Ukrainaj pa zrazumiełych pryčynach».
Krasavik 2014.
Abjektyŭka
Nar. u 1949 u Słonimskim rajonie. Skončyŭ Minskaje suvoraŭskaje vučylišča (1967), Kijeŭskaje vyšejšaje kamandnaje vučylišča (1971), Vajskovuju akademiju imia Frunzie (1979), Vajskovuju akademiju Hienieralnaha štaba (1992). Hienierał-pałkoŭnik. Ministr abarony (1995—1996, 2001—2009). Dziaržsakratar Rady biaśpieki (2009—2013). Staršynia Pamiežnaha kamiteta — ad 2013 hoda.
* * *
Čytajcie taksama:
Niezamienny siłavik Leanid Malcaŭ. Repartaž z radzimy staršyni Dziaržaŭnaha pamiežnaha kamiteta
* * *
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu5
Kamientary