«Słova «šlachta» nie ŭžyvać»: u Muziei historyi Homiela sarvałasia prezientacyja karty staradaŭnich siadzibaŭ

Prezientacyju karty šlachieckich siadzib XIX — pačatku XX stahodździaŭ, a taksama ekspazicyi ŭnikalnych darevalucyjnych dakumientaŭ i fatahrafij, jakija naležali šlachcicam Krušeŭskim i Lisoŭskim, pieršapačatkova płanavali pravodzić u Muziei historyi horada Homiela. Litaralna za niekalki dzion da zapłanavanaj daty stała viadoma, što mierapryjemstva admianiajecca i projdzie ŭ inšaj kulturnaj ustanovie — filijale Vietkaŭskaha muzieja.

Pavialičyć

Usio pačałosia z taho, što homielski historyk Maryja Bułavinskaja vyrašyła sistematyzavać infarmacyju pa šlachieckich siadzibach Homielskaj vobłaści, sabranuju joju padčas pracy nad mahistarskaj dysiertacyjaj. Heta i padšturchnuła da idei stvareńnia krajaznaŭčaj karty z vyjavaj staradaŭnich siadzibaŭ.

— Zrabić heta było nie tak prosta, =- raspaviała TUT.BY Maryja Bułavinskaja. — Šmat budynkaŭ nie zachavałasia, a ich staryja fotazdymki i inšyja vyjavy nie ŭsie jakasnyja. Tamu my kansultavalisia z historykami, architektarami, vyjazdžali ŭ roznyja vioski dla ŭdakładnieńnia infarmacyi. Stvaryli supołku «Šlachieckija siadziby Homielščyny» «Ukantakcie», praź jakuju prostyja amatary daŭniny dzialilisia zusim nieviadomaj dla nas infarmacyjaj. Tak atrymałasia, što stvoranaja mapa stała vynikam kalektyŭnaj pracy ŭsich zacikaŭlenych ludziej.

Na karcie paznačanyja ŭsie viadomyja na dadzieny momant malunki siadzibaŭ, źniešni vyhlad jakich rekanstrujavaŭ ŭ hrafičnym malunku architektar Siarhiej Lapin. Ale pa niekatorych abjektach, kažuć stvaralniki karty, zastałosia šmat pytańniaŭ, bo sama tema mała daśledavanaja.

— U metach papularyzacyi našaj spadčyny rychtavałasia prezientacyja mapy. U nas navat nie ŭźnikała pytańniaŭ, dzie heta zrabić. Płanavali prezientavać svaju pracu ŭ Muziei historyi Homiela, bo budynak, u jakim zaraz raźmiaščajecca muziej, u minułym naležyŭ pradstaŭnikam šlachieckaha rodu Krušeŭskich I Lisoŭskich, — kaža surazmoŭca.

U pačatku hetaha hoda Maryja Bułavinskaja atrymała zhodu muzieja historyi horada na prezientacyju karty i ekspazicyi, pryśviečanaj šlachietnym familijam. Charakterna, što ŭsio arhanizoŭvałasia za ŭłasnyja srodki historykaŭ.

Pavialičyć

— My viedajem, što biuvielmi chaciełasia, kab narešcie hety budynak dla žycharoŭ Homiela staŭ nie prosta «budynkam dla letniaha pražyvańnia hrafa Mikałaja Rumiancava», a kab možna było daviedacca i pra inšych hodnych ludziej, jakija taksama zrabili šmat karysnaha dla našaha kraju.

Pa słovach Maryi Bułavinskaj, prapanova vyklikała zacikaŭlenaść u dyrektara muzieja. Užo byŭ hatovy pres-reliz vystavy i data pryznačanaja.

Pavialičyć

Ale pryznačany viečar-prezientacyja ŭ ramkach akcyi «Znajomy i nieznajomy Homiel», arhanizatarami jakoha pavinny byli vystupać Muziej historyi horada Homiela, historyk Maryja Bułavinskaja, architektar Siarhiej Lapin i mastak Iryna Pankova, tak i zastaŭsia na papiery.

Pa słovach Maryi Bułavinskaj, niezadoŭha da adkryćcia vystavy muziej raptam pastaviŭ ŭmovu — nie ŭžyvać słova «šlachta» u dačynieńni da siadzibaŭ i proźviščaŭ šlachietnaha pachodžańnia. Historyki na takuju ŭmovu nie pahadzilisia, paśla čaho dyrektar muzieja paviedamiła, što pravodzić vystavu nie ŭjaŭlajecca mahčymym: pamiaškańnie muzieja zaniata inšaj ekspazicyjaj, a ŭ dalejšym tut płanujecca kamiercyjny prajekt.

Tym nie mienš prezientacyja karty i ekspazicyi, pryśviečanaj šlachcicam Homielščyny, usio ž adbyłasia ŭ piatnicu, 27 lutaha, a 17-j u filijale Vietkaŭskaha muzieja pa adrasie: h. Homiel, pł. Lenina, 4.

• 0
• 0
• 0
• 0
• 0
• 0
• 0
• 0