U Maskvie prachodzić akcyja ruchu «Antymajdan» u suviazi z hadavinaj pratestaŭ na Majdanie ŭ Kijevie, kali zahinuła bolš za sotnia demanstrantaŭ i abrynuŭsia režym Janukoviča. «Antymajdan» nazyvaje padziei ŭ Kijevie «pieravarotam».
Tysiačy ludziej udzielničajuć u akcyi, jakaja aktyŭna prasoŭvajecca ŭ padkantrolnych dziaržavie srodkach masavaj infarmacyi pad łozunham «Hod Majdanu. Nie zabudziem, nie darujem».
U demanstracyi udzielničajuć nie mienš za 10 tysiač čałaviek.
Šeście prachodzić u centry Maskvy — ad Strasnoha bulvara da płoščy Revalucyi, dzie zapłanavany mitynh.
Demanstracyja raźbitaja na hrupy — pa terytaryjalnaj i palityčnych prykmietach, u kožnaj hrupy — svaje łozunhi, transparanty i simvolika. Na čale kałony iduć kazaki. Mnohija demanstranty pryjechali ź inšych rehijonaŭ Rasii; tyja, što prybyli z Padmaskoŭja, paviedamili, što ich pryvozili arhanizavana, aŭtobusami.
Napiaredadni rasiejskija ŚMI aktyŭna zaklikali dałučycca da akcyi ŭsich, chto ličać siabie «patryjotami» i vystupajuć suprać «revalucyj».
Ruch «Antymajdan» byŭ stvorany krychu bolš za miesiac tamu, z hałoŭnaj zadačaj, jak śćviardžajuć arhanizatary — «źbiracca tam, dzie źbirajecca apazicyja», kab nie dapuścić «kalarovych revalucyj» u Rasii.
Kamientary