Biełaruś mahła b adyhrać vialikuju rolu va ŭrehulavańni kanfliktu va Ukrainie, kaža Łukašenka.
Pra heta zajaviŭ siońnia Alaksandr Łukašenka na sustrečy z prezidentam Jeŭrapiejskaha banka rekanstrukcyi i raźvićcia Sumam Čakrabarci.
«Siońnia vielmi surjoznaja situacyja paśla minskich pahadnieńniaŭ u kirunku Debalcava. Biełaruś mahła b adyhrać vialikuju rolu va ŭrehulavańni hetaha kanfliktu, kali b uciahnutyja ŭ jaho baki hetaha chacieli», — skazaŭ biełaruski lidar.
«My siońnia prapanavali ŭkrainskamu i druhomu boku, uciahnutym u hety kanflikt, što prablemu Debalcava možna vyrašyć ciaham sutak, kali hetaha zachočuć Ukraina, Rasija, DNR i ŁNR», — adznačyŭ kiraŭnik biełaruskaj dziaržavy.
«My hatovyja nie prosta być pasiarednikam, a dastojna spynić hety kanflikt u rajonie Debalcava i vyvieści ŭsich vajskoŭcaŭ Ukrainy adtul pad našy harantyi, što jany bolš nikoli vajavać nie buduć, — skazaŭ Alaksandr Łukašenka.
— I kali niekaha napružvaje zbroja, jakoj vałodajuć siońnia vajskoŭcy Ukrainy, akružanyja ŭ Debalcavie, my hatovyja pryniać na terytoryi Biełarusi hetuju zbroju. Takim čynam, jana nikoli bolš nie budzie ŭdzielničać u vajennych dziejańniach».
Pry hetym Łukašenka dadaŭ, što treba adabreńnie bakoŭ kanfliktu.
«Kali dla ich źjaŭlajecca pryjarytetam žyćcio tysiač ni ŭ čym nie vinavatych, akružanych tam ludziej, to my hatovyja heta zrabić na praciahu sutak», — dadaŭ kiraŭnik biełaruskaj dziaržavy.
«Kali heta cikava realnym dziejučym asobam u Debalcavie i, u pryvatnaści, uciahnutym u hety kanflikt. Ale vy pavinny viedać, što tam vielmi šmat roznych intaresaŭ, adsiul i roznyja padychody», — adznačyŭ biełaruski lidar.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary