U studzieni były staršynia Viarchoŭnaha Savieta Biełarusi Stanisłaŭ Šuškievič uziaŭ čarhovuju daviedku va upraŭleńni sacyjalnaj abarony Centralnaha rajona Minska. Ahułam za hod eks-kiraŭnik Biełarusi atrymaŭ 38 tysiač 400 rubloŭ. Heta značyć, kožny miesiac jon atrymlivaŭ pa 3200 rubloŭ.
Pažyćciovaja piensija ŭ pamiery 3 miljony 196 tysiač była pryznačanaja Šuškieviču jašče ŭ 1997 hodzie. Paśla denaminacyi 1999-ha jana stała składać 3200 rubloŭ. Amal dvaccać hadoŭ tamu heta byli niebłahija hrošy (300 dalaraŭ). A siońnia na ich nie kupiš navat bułku chleba. Pa kursie Nacbanka — heta ŭsiaho 0,2 dalara.
U 2010-m Šuškievič źviartaŭsia da tahačasnaha premjer-ministra Siarhieja Sidorskaha, kiraŭnika Administracyi Uładzimira Makieja, staršyni Vyšejšaha haspadarčaha suda Biełarusi Viktara Kamiankova z patrabavańniem adnavić spraviadlivaść i naličvać jamu hodnuju piensiju. Ale ničyjoj dapamohi tak i nie dačakaŭsia.
Sam Šuškievič nazyvaje heta «ździekam». I ŭ svaje 80 hod zarablaje hrošy čytańniem lekcyj u zamiežnych univiersitetach.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary