U Zahrabie adbyłasia inaŭhuracyja pieršaj žančyny — prezidenta Charvatyi
«Ja zrablu ŭsio ad mianie zaležnaje, kab Charvatyja stała bahataj krainaj, ź jakoj maładyja nie buduć źjazdžać, dzie budzie naradžacca bolš ludziej, čym pamirać», - paabiacała jana.
Cyrymonija inaŭhuracyi novaha prezidenta Charvatyi adbyłasia ŭ Zahrabie. Da prysiahi pryviedziena 46-hadovaja Kalinda Hrabar-Kitaravič — samy małady prezident i pieršaja žančyna na vyšejšaj dziaržaŭnaj pasadzie hetaj dziaržavy. 11 studzienia 2015 u druhim tury prezidenckich vybaraŭ jana atrymała pieramohu nad dziejučym prezidentam Iva Josipavičam.
Apranutaja ŭ elehantnuju siniuju sukienku Kalinda Hrabar-Kitaravič padniałasia na scenu, ustalavanuju na płoščy Śviatoha Marka, dzie pryniesła prysiahu. Paśla čaho staršynia Kanstytucyjnaha suda Jasnoj Omiejec abviaściła, što novy prezident ustupaje na pasadu 19 lutaha 2015, a jaje mandat budzie doŭžycca da 19 lutaha 2020 hoda.
Jana pieradała Kalindie Hrabar-Kitaravič prezidenckuju sinie-bieła- čyrvonuju stužku — koleraŭ nacyjanalnaha ściaha — u jakaści simvała dziaržaŭnaj ułady. Uračystaść momantu padkreślili dziesiać zbrojnych załpaŭ.
U svajoj inahuracyjnaj pramovie abrany prezident abaviazałasia «słužyć Charvatyi i jaje hramadzianam». «Ja zrablu ŭsio ad mianie zaležnaje, kab Charvatyja stała bahataj krainaj, ź jakoj maładyja nie buduć źjazdžać, dzie budzie naradžacca bolš ludziej, čym pamirać», — paabiacała jana.
«Naš stratehičny nacyjanalny intares — novyja pracoŭnyja miescy», — padkreśliła Hrabar-Kitaravič.
«Naš pastajanny stratehičny intares — uklučeńnie cełaha rehijonu Paŭdniova-Uschodniaj Eŭropy ŭ ES. My taksama raźličvajem vyrašyć z susiedziami ŭsie adkrytyja pytańni, a ŭ adnosinach ź Sierbijaj - heta pytańni źnikłych bieź viestak asob (u chodzie vajennych kanfliktaŭ 1990-ch hadoŭ) i prava nacyjanalnych mienšaściaŭ», - zajaviła jana, padkreśliŭšy taksama, što adnoj z najvažniejšych metaŭ ličyć abaronu charvataŭ, jakija pražyvajuć u Bośnii i Hiercahavinie.
«Moj mandat budzie pryśviečany maładym. My pavinny dać im pracu, ich hołas pavinien być čutny», - padkreśliła jana. Kalinda Hrabar-Kitaravič adznačyła, što kali jana išła na vybary, mnohija joj kazali, što kraina jašče nie hatovaja pryniać žančynu-prezidenta. Adnak heta akazałasia nie tak, kanstatavała jana.
Kalinda Hrabar-Kitaravič stanie čaćviortym pa liku lidaram respubliki z 1991 hoda, paśla Frańjo Tudžmana, Stypie Miesiča i Iva Josipaviča.
Na cyrymonii ihauhuracyi ŭ Zahrabie prysutničali delehacyj 88 krain i mižnarodnych arhanizacyj. Adnak asablivaje značeńnie tut nadajecca prysutnaści premjer-ministr Sierbii Alaksandar Vučyča, što rasceńvajecca jak družalubny žest, jaki demanstruje imknieńnie da narmalizacyi adnosin pamiž dźviuma dziaržavami.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary