Da 16 sakavika aŭtary mohuć pradstavić prajekty filmaŭ na zadadzienyja temy, paviedamlaje Ministerstva kultury.
Siarod tem filmaŭ pavodle sacyjalna-tvorčych zamoŭ — «Sacialnaja moładzievaja prablematyka, što raskryvaje prablemy narkamanii», «Vybitnyja histaryčnyja dziejačy — uradžency Biełarusi», «Hieraičnaja baraćba savieckaha narodu suprać niamiecka-fašysckich zachopnikaŭ». Na hetyja temy patrabujecca adzin 4-sieryjny telefilm (ad 52 chvilin na sieryju) i adna kinaviersija (ad 90 chvilin). Z respublikanskaha biudžetu budzie vydatkavana da 10, 11 i 12 młrd biełaruskich rubloŭ (prykładna 650-790 tysiač dalaraŭ) adpaviedna.
Pa jašče adnoj temie, «Dziejnaść sučasnych abaroncaŭ Ajčyny pa harantavańni nacyjanalnaj biaśpieki Respubliki Biełaruś» patrabujecca tolki adzin dvuchsieryjny telefilm, na jaho budzie vydatkavana nie bolš za 7 młrd rubloŭ (460 tysiač dalaraŭ).
Taksama zapatrabavanyja try niehulniavyja filmy chranamietražom ad 52 chvilin na temy «Najnoŭšaja historyja niezaležnaj Biełarusi», «Dasiahnieńni Respubliki Biełaruś u roznych halinach i śfierach dziejnaści» i «Nastaŭniki biełaruskaj škoły». Sumarna na tch budzie vydatkavana da 2,2 młrd rubloŭ (kala 145 tysiač dalaraŭ).
Razhlad prapanavanych kinaprajektaŭ projdzie z 17 sakavika pa 2 krasavika.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali8
Kamientary