Mikałaju Statkieviču nie źmianili režym adbyćcia pakarańnia.
Ab hetym jon paviedamiŭ u liście svajoj žoncy Marynie Adamovič. Na dumku administracyi škłoŭskaj kałonii, jon «nie staŭ na šlach vypraŭleńnia».»16 studzienia vyklikali na kamisiju pa zamienie režymu. Heta pravodzicca biez usialakich zajaŭ ad aryštantaŭ — kali termin pryjdzie, — piša Statkievič. — Vynik čakany, ale ździviła farmuloŭka.
Ja «nie staŭ na šlach vypraŭleńnia», tamu što «nie ŭdzielničaŭ u pracy samadziejnych arhanizacyj» i «ŭchilaŭsia ad hramadskaj pracy».
«Biezumoŭna, na taki šlach ja nie staŭ, bo nievinavatamu čałavieku heta biez patreby.
A voś jak u adzinočcy vieści «hramadskuju pracu» i «ŭdzielničać u arhanizacyjach» — heta pytańnie», — iranizuje aŭtar lista.
Eks-kandydat u prezidenty Biełarusi Mikałaj Statkievič adbyvaje pakarańnie pa pryhavory suda Leninskaha rajona Minska, jaki ŭ mai 2011 hoda pryhavaryŭ jaho da šaści hadoŭ pazbaŭleńnia voli pa abvinavačańni ŭ arhanizacyi masavych biesparadkaŭ u dzień prezidenckich vybaraŭ 19 śniežnia 2010 hoda.
Pieršapačatkova asudžany ŭtrymlivaŭsia ŭ škłoŭskaj kałonii № 17, adnak u studzieni 2012 hoda jamu ŭzmacnili žorstkaść umoŭ adbyćcia pakarańnia — administracyja kałonii paličyła, što Statkievič «nie staŭ na šlach vypraŭleńnia», «da ŭmoŭna-daterminovaha vyzvaleńnia nie imkniecca» i paśla adbyćcia pakarańnia maje namier «vieści złačynny ład žyćcia».
Farmalnaj padstavaj dla hetych abvinavačańniaŭ stała adsutnaść na adzieńni Statkieviča birki z numaram źniavolenaha, a taksama toje, što jon nie ŭkazaŭ u śpisie asabistych rečaŭ nasoŭki.
Statkieviča pieraviali na try hady ŭ mahiloŭskuju turmu № 4, adkul 12 studzienia hetaha hoda jon viarnuŭsia ŭ škłoŭskuju kałoniju № 17.
Niekalki dzion tamu stała viadoma, što Mikałaju Statkieviču zabaranili doŭhaterminovaje spatkańnie sa svajakami na padstavie dvuch rapartaŭ ab parušeńni praviłaŭ unutranaha rasparadku, jakija jon nibyta ŭčyniŭ u pieršyja dva dni znachodžańnia ŭ škłoŭskaj kałonii. Pavodle infarmacyi žonki palityka, pieršy rapart byŭ składzieny za nieŭstanoŭlenuju formu adzieńnia.
Statkievič byŭ apranuty ŭ štany, vydadzienyja jamu ŭ mahiloŭskaj turmie. Druhi rapart — u suviazi z tym, što za 15 chvilin da adboju asudžanaha nie było na spalnym miescy.
Piacidziesiacivaśmihadovy Mikałaj Statkievič — adziny kandydat u prezidenty Biełarusi na vybarach 2010 hoda, jaki dahetul znachodzicca ŭ źniavoleńni. Jamu nieadnarazova prapanoŭvali napisać prašeńnie ab pamiłavańni na imia Alaksandra Łukašenki, ale jon kateharyčna admaŭlajecca heta rabić.
Mižnarodnyja pravaabarončyja arhanizacyi pryznali Mikałaja Statkieviča palityčnym źniavolenym.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary