Minčuk zatrymaŭ złačynca pa śladach na śniezie. Pra heta havorycca na aficyjnym sajcie Śledčaha kamiteta Biełarusi.
U Minsku, u noč na 11 studzienia, napali na žančynu, kali jana ŭvajšła ŭ svoj padjezd. Złamyśnik, užyŭšy hvałt, ckraŭ sumačku i ŭciok.
Paciarpiełaja pa damafonie paklikała muža, paviedamiła ab tym, što zdaryłasia, i padrabiazna apisała rabaŭnika. Muž vyrašyŭ nie hublać času i pa śladach, jakija pakinuŭ uciakač na śviežym śniezie, nakiravaŭsia za im. Jon dahnaŭ złamyśnika praź niekalki chvilin, paznaŭšy jaho pa apisańni žonki, zatrymaŭ i dastaviŭ u budynak palikliniki, jaki znachodzicca pablizu, dzie paprasiŭ vartaŭnika vyklikać milicyju.
Supracoŭniki orhanaŭ unutranych spraŭ pry asabistym dahladzie znajšli ŭ zatrymanaha mabilny telefon i hrošy paciarpiełaj. Apošni nie staŭ admaŭlać fakt ździajśnieńnia złačynstva i paviedamiŭ, što sumačku vykinuŭ pa darozie.
Zatrymanamu pradjaŭlenaje abvinavačvańnie ŭ ździajśnieńni razbojnaha napadu. Prakuraturaj rajona sankcyjanavana prymianieńnie da jaho miery strymańnia ŭ vyhladzie zaklučeńnia pad vartu.
Jon raniej nieadnarazova sudzimy za złačynstvy suprać pałavoj niedatykalnaści i rabavańni. U krasaviku minułaha hoda vyzvaliŭsia z-za krataŭ, pracavaŭ na vytvorčaści mebli ŭ pryvatnym pradpryjemstvie. U vyniku sumiesnych mierapryjemstvaŭ, praviedzienych supracoŭnikami śledčych padraździaleńniaŭ i orhanaŭ unutranych spraŭ, vyjaŭlena dačynieńnie abvinavačanaha da ździajśnieńnia jašče niekalkich złačynstvaŭ u inšych rajonach stalicy. Heta kradziažy majomaści ŭ žančyn, u tym liku tyja, što supravadžalisia hvałtoŭnymi dziejańniami.
Aktyŭnaja žyćciovaja pazicyja muža paciarpiełaj, jaho nieciarpimaść da supraćpraŭnych pavodzin i rašučyja dziejańni, nakiravanyja na spynieńnie pravaparušeńnia, źjaŭlajucca dastojnym prykładam vykanańnia hramadzianskaha abaviazku. Kiraŭnictva Savieckaha (h.Minska) RASK zaprasiła mužčynu dla abjavy jamu padziaki za sadziejničańnie ŭ raskryćci złačynstvaŭ u prysutnaści asabovaha składu padraździaleńnia.
Kamientary