Prezident Kłuba viasiołych i znachodlivych (KVZ) Alaksandr Maślakoŭ zajaviŭ, što fiestyval «Hołosiaŝij KiViN», jaki tradycyjna prachodziŭ u łatvijskaj Jurmale, u 2015 hodzie adbudziecca ŭ Rasii.
«Nie ŭsie kamandy mohuć pryjazdžać za miažu z tych, kaho my chacieli b bačyć, heta ŭsio ž taki zamiežža. U Rasii bolš spakojna, zručna i zrazumieła. U hetym hodzie vyrašyli pasprabavać usio heta pravieści ŭ Rasii», — skazaŭ prezident KVZ u teleintervju kanału «Rasija-24»
Dzie mienavita budzie prachodzić «KiViN», pakul nie paviedamlajecca.
«Pytańnie ab miescy praviadzieńnia fiestyvala «KVZ» ŭ 2015 hodzie adkładzienaja da pačatku lutaha», — pryvodzić łatvijski partał DELFI słovy aficyjnaha pradstaŭnika Maślakova ŭ Łatvii Uładzimira Nikišyna.
Arhanizatary fiestyvalu KVZ i humarystyčnaha šou «Jurmalina» aficyjna apaviaścili ab admovie ad reziervavańnia kancertnaj zały «Dzintary».
Napiaredadni hubiernatar Krasnadarskaha kraja Alaksandr Tkačoŭ zajaviŭ, što «viaducca pieramovy» ab pierajeździe muzyčnaha fiestyvalu «Novaja chvala» ź Jurmały ŭ Sočy.
Kamientary