Byłoha načalnika Hrodzienskaj milicyi pravažali na piensiju, a jon uspłyŭ u handli
Letaś u sakaviku hanarova adpraŭlali na piensiju kiraŭnika Hrodzienskaha UUS Uładzimira Syčeŭskaha, jakomu napiaredadni spoŭniłasia 55 hadoŭ. Z hetaj nahody ź Minska pryjechaŭ navat ministr Ihar Šunievič. Syčeŭski dva hady ŭznačalvaŭ Hrodzienskuju abłasnuju milicyju.
«Pravodziačy na piensiju zasłužanaha hienierała, jaki addaŭ 33 hady słužbie ŭ MUS, my razumiejem, što raŭnaznačnuju zamienu adrazu znajści budzie ciažka», - kazaŭ tady Ihar Šunievič.
Jak vyśvietliłasia, adpačyvać na piensii milicejski hienierał zusim nie źbiraŭsia. Niadaŭna jon uznačaliŭ pradpryjemstva «HrodnaTorhServis». U skład hetaj arhanizacyi ŭvachodzić rynak «Paŭdniovy», a taksama mini-rynki «Dzieviatoŭka», «Farty», «Foluš», «Pryniomanski» i inšyja handlovyja kropki horada.
«Na nastupny hod u nas namiečana prahrama pa dobraŭparadkavańniu rečyvaha rynku, my chočam zrabić jaho maksimalna kamfortnym», - dzielicca płanami na budučyniu sp.Syčeŭski.
Kamientary