Prajekt respublikanskaha biudžetu na 2015 hod sfarmiravany z ulikam pavieličeńnia bazavaj vieličyni z Br150 tys. da Br180 tys.
Ab hetym BiełTA paviedamili ŭ Ministerstvie finansaŭ.
Takoje pavyšeńnie daść mahčymaść pryvieści sacyjalnyja vypłaty ź biudžetu, što zaležać ad bazavaj vieličyni, u adpaviednaść z realnym uzroŭniem cen.
«Pavieličeńnie bazavaj vieličyni paŭpłyvaje na vyznačeńnie pamieru adnarazovych dapamoh piedahahičnym, miedycynskim i farmaceŭtyčnym rabotnikam, rabotnikam kultury i mastactva, śpiecyjalistam sielskaj i žyllova-kamunalnaj haspadarki, rabotnikam sistemy spažyvieckaj kaapieracyi pry prybyćci na rabotu ŭ rajony, jakija źviedali radyjeaktyŭnaje zabrudžvańnie ŭ vyniku avaryi na Čarnobylskaj AES», - adznačyli ŭ Minfinie.
Akramia taho, ad bazavaj vieličyni zaležyć pamier hrašovaj dapamohi na azdaraŭleńnie asobnym katehoryjam hramadzian, štomiesiačnych hrašovych vypłat hramadzianam, majučym hanarovyja zvańni «narodny», premij i stypiendyj prezidenta, dapamoh, stypiendyj i materyjalnaj dapamohi biespracoŭnym, kampiensavańnia raschodaŭ inšaharodnim studentam pa najmie žylla, minimalnych stavak aŭtarskaj uznaharody, adnarazovaj uznaharody rabotnikam arhanizacyj, jakija spuskajucca pad vadu dla vykanańnia słužbovych abaviazkaŭ, i inšych vypłat.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary