Krynica ŭ EHU: Try kandydatury na pasadu rektara najbolš imaviernyja
Jak paviedamiła «Našaj Nivie» krynica ŭ Jeŭrapiejskim humanitarnym univiersitecie, u šort-liście zastałosia try kandydatury na pasadu rektara. Heta vykanaŭca abaviazkaŭ rektara Devid Polik, a taksama Alaksandr Milinkievič, kandydat fizika-matematyčnych navuk, i Taćciana Ščytcova, prafiesar fiłasofii EHU.
Nam nie ŭdałosia znajści aficyjnaha paćvierdžańnia hetaj infarmacyi.
Viadoma, što ŭčora i pazaŭčora sustrečy sa studentami pravodzili siem kandydataŭ, siarod jakich byli, u tym liku, prarektar EHU Daryus Udrys i były prarektar Hrodzienskaha ŭniviersiteta Aleś Kraŭcevič.
Pavodle našaj infarmacyi, prezident EHU i jahony doŭhačasovy rektar Anatol Michajłaŭ chacieŭ by, kab rektaram staŭ Polik. Polik kiravaŭ niekalkimi navučalnymi ŭstanovami na Zachadzie.
Mnohija vykładčyki i hramadzianskaja supolnaść bajacca, što vybar Polika budzie aznačać kurs na kamiercyjalizacyju ŭniviersiteta, što jon stanie mienš biełaruskim, a bolš — dla «ruskamoŭnych z roznych krain». Akramia taho, chadzili čutki, što zarobak Polika bolšy, čym zarobak usich prafiesaraŭ EHU razam uziatych. Vykładčyki hetaha nie razumiejuć. Na ich dumku, vybar Polika apraŭdaje pavyšeńnie sacyjalnych harantyj dla top-menedžaraŭ, ale moža kiepska adbicca na finansavym stanie ŭstanovy. Jość niehatyŭny momant i ŭ bijahrafii Polika — kaledž, jakim jon kiravaŭ pierad tym, zbankrutavaŭ.
Ščytcova daŭno pracuje ŭ EHU i, možna skazać, naležyć da jaho škoły. Jana była redaktarkaj časopisa EHU «Topos».
Kandydaturu Milinkieviča vitała biełaruskaja intelihiencyja i hramadzianskaja supolnaść.
U niadzielu 40 dziejačoŭ hramadstva i kultury Biełarusi, siarod jakich Uładzimir Arłoŭ, Alaksandr Vajtovič, Aleś Bialacki, Radzim Harecki, vystupili ź niedvuchsensoŭnym zvarotam, u jakim zaklikali abrać rektaram «hramadzianina Biełarusi».
Kančatkovy vybar rektara moža stać viadomy navat siońnia abo zaŭtra. Adnak u vypadku roznahałośsiaŭ praces adboru moža praciahvacca da 1 sakavika.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary