ZŠA adkryty dla palapšeńnia adnosinaŭ ź Biełaruśsiu, ale nie admaŭlajucca ad svaich pretenzij i patrabavańniaŭ da ŭrada hetaj krainy, pierš za ŭsio ŭ pravaabarončaj halinie.
Heta paćvierdziła ŭ sieradu, vystupajučy ŭ Amierykanskim pradprymalnickim instytucie ŭ Vašynhtonie, profilny pamočnik dziaržsakratara ZŠA Viktoryja Nułand.
Jana vykazała mierkavańnie, što «miač» ciapier na baku biełaruskich uładaŭ.
«My ŭžo šmat hadoŭ padtrymlivajem dyjałoh z uradam Biełarusi nakont našaj zaniepakojenaści situacyjaj z pravami čałavieka, palityčnymi ŭmovami dla prajavy inšadumstva, — patłumačyła jana.
— Na praciahu apošniaha hoda my nazirajem, što biełaruskaje kiraŭnictva vielmi niaŭtulna siabie adčuvaje pierad tvaram binarnaha vybaru.
Ja sustrakałasia ŭ vieraśni na siesii Hienieralnaj Asamblei AAN z premjer-ministram Biełarusi
i kazała jamu, što jany šmat zrabili dla svajoj krainy, pieratvaryŭšy nazvu Minska ŭ simvał mirnaj damoŭlenaści».
«My pa-raniejšamu adkryty dla bolš ciopłych i intehravanych ŭzajemaadnosin ź Biełaruśsiu pry palapšeńni pravaabarončaj situacyi, — praciahvała Nułand. — My vykazali ŭradu Biełarusi šerah kankretnych mierkavańniaŭ. Nam udałosia zrabić niekalki maleńkich sumiesnych krokaŭ: my zaraz znoŭ vydajem tam vizy na ŭzajemnaj asnovie».
«Ale, znoŭ-taki, usio heta znachodzicca ŭ rukach u ich kiraŭnictva, - padahulniła svaje razvahi dypłamat.
- Ci choča jano pavieści svaju krainu ŭ kirunku bolšaj adkrytaści i demakratyčnaści. My b, viadoma, byli hatovyja na heta adhuknucca»
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary